ലക്നൗ: അയോദ്ധ്യാ രാമക്ഷേത്രത്തിൽ ദർശനം നടത്തി അമിതാഭ് ബച്ചൻ. ഇത് രണ്ടാം തവണയാണ് ബച്ചൻ അയോദ്ധ്യയിലെത്തുന്നത്. പ്രാണപ്രതിഷ്ഠാ ചടങ്ങുകൾക്ക് ക്ഷണിക്കപ്പെട്ട അതിഥിയായി അദ്ദേഹം എത്തിയിരുന്നു. ബച്ചന്റെ ദർശനം കണക്കിലെടുത്ത് ക്ഷേത്രപരിസരത്ത് ഭക്തർക്ക് നിയന്ത്രണം ഏർപ്പെടുത്തിയിരുന്നു.
സുരക്ഷാ ഉദ്യോഗസ്ഥരോടൊപ്പമാണ് അമിതാഭ് ബച്ചൻ ക്ഷേത്രത്തിലെത്തയിത്. ഇതിന്റെ ചിത്രങ്ങൾ സമൂഹമാദ്ധ്യമങ്ങളിൽ പങ്കുവച്ചിട്ടണ്ട്. രാമക്ഷേത്രത്തിന്റെയും രാംലല്ലയുടെ ചിത്രങ്ങളും ബച്ചൻ എക്സിൽ പങ്കുവച്ചു. ജയ് ശ്രീറാം മന്ത്രം ചിത്രങ്ങൾക്കൊപ്പം അടികുറിപ്പായി അദ്ദേഹം നൽകിയിരുന്നു.
അതേസമയം, കേരളത്തിൽ നിന്ന് അയോധ്യയിലേക്കുള്ള (Kerala-Ayodhya Train) ആദ്യ ട്രെയിൻ പുറപ്പെട്ടു. തിരുവനന്തപുരം കൊച്ചുവേളിയിൽ നിന്ന് രാവിലെ പത്ത് മണിക്കാണ് ട്രെയിൻ യാത്ര മുൻ കേന്ദ്ര റെയിൽവേ ഒ രാജഗോപാൽ ആണ് ട്രെയിൻ ഫ്ലാഗ് ഓഫ്‌ ചെയ്തത്. 20 കൊച്ചുകൾ ഉള്ള ആസ്ത ട്രെയിനിൽ 972 യാത്രക്കാരാണ് ഉള്ളത്.
12ന് പുലർച്ചെ രണ്ട് മണിക്ക് ട്രെയിൻ അയോധ്യയിൽ എത്തും.13-ന് പുലർച്ചെ 12.2-ന് അയോധ്യയിൽ നിന്ന് തിരിച്ച് 15 ന് രാത്രി 10.45 ന് കൊച്ചുവെളിയിൽ തിരിച്ചെത്തും. അങ്ങോട്ടും ഇങ്ങോട്ടും ഉള്ള യാത്രക്ക് ടിക്കറ്റ് നിരക്ക് 3300 രൂപയാണ്. ട്രെയിനിന് വിവിധ സ്റ്റേഷന്കളിൽ ബിജെപി സ്വീകരണം നൽകും.
സംസ്ഥാനത്ത് നിന്ന് ആകെ 24 സർവീസുകളാണ് നിശ്ചയിച്ചിരിക്കുന്നത്.
