ഫാദേഴ്സ് ഡേയില് അച്ഛനെ കുറിച്ചുള്ള ഓര്മ്മകളും പല രസകരമായ സംഭവങ്ങളുമൊക്കെ പങ്കുവെച്ച് പല താരങ്ങളും പങ്കുവെച്ചിരുന്നു. അഭിനേതാവും സംവിധായകനും തിരക്കഥാകൃത്തും ഒക്കെയായ ബാലചന്ദ്ര മേനോനും കുറിപ്പുമായി എത്തിയിരുന്നു. അച്ഛന്റെ ചിത്രങ്ങളും അദ്ദേഹം വീഡിയോയിലൂടെയായി കാണിക്കുകയും ചെയ്തിരുന്നു.
80 കളില് എന്റെ പേരില് ഒരു ഫാന്സ് അസോസിയേഷന് ഉണ്ടാക്കാനായി കുറച്ചു പിള്ളേര് പിരിവിനായി അച്ഛനാരെന്നറിയാതെ ആഫീസില് ചെന്നു. അച്ഛന് അവരോടു പറഞ്ഞു’ഒറ്റ പൈസ ഞാന് തരില്ല കാരണം ഞാന് ബാലചന്ദ്ര മേനോന്റെ ആരാധകനല്ല. രാത്രിയില് ഈ വര്ത്തമാനം അമ്മയോട് പറഞ്ഞു അച്ഛന് അട്ടഹസിക്കുന്നതും ഞാന് കേട്ടിട്ടുണ്ട്. കൂടുതല് അറിഞ്ഞു തുടങ്ങിയതോടെ ഞാന് അച്ഛനെ ഏറെ സ്നേഹിച്ചു തുടങ്ങി.
ദേശീയ അവാര്ഡ് കിട്ടിയപ്പോള് ലോകരെല്ലാം എന്നെ വിളിച്ചു അഭിനന്ദിച്ചപ്പോഴും അച്ഛന് ഒരക്ഷരം എന്നോട് പറഞ്ഞില്ല . എന്നാല് അമ്മയോട് പറഞ്ഞതായി ഞാന് അറിഞ്ഞു.’കുറെ കാലമായല്ലോ സിനിമ എടുക്കാന് തുടങ്ങിയിട്ടു ? അവസാനം റെയില്വേ തന്നെ വേണ്ടി വന്നു ഒരു അവാര്ഡ് കിട്ടാന് അല്ലെ ? ഞാന് ഉള്ളില് പൊട്ടിച്ചിരിച്ചു. എല്ലാ ദിവസവും ആ കിടക്കയുടെ അരികില് കുറച്ചു നേരമെങ്കിലും ഇരിക്കാന് എനിക്ക് കഴിഞ്ഞു എന്നത് മനസമാധാനമെന്ന് ബാലചന്ദ്രമേനോന്
സമാന്തരങ്ങള് എന്ന തിരക്കഥ പുസ്തകമായപ്പോള് അതിനു അവതാരിക അച്ഛനാണ് എന്റെ ആഗ്രഹം പോലെ എഴുതി തന്നത്. അതില് അച്ഛന് എനിക്കായി ഒരു വരി കുറിച്ചു .’എന്റെ മകന് എല്ലാവരും ബാലചന്ദ്ര മേനോന് എന്ന് വിളിക്കുന്ന ചന്ദ്രന് ബുദ്ധിമാനും സ്ഥിരോത്സാഹിയുമായിരുന്നതുകൊണ്ടു അവന്റെ ഭാവിയില് എനിക്ക് തീരെ ആശങ്ക ഇല്ലായിരുന്നു. അന്ന് അച്ഛനെ ഓര്ത്ത് എന്റെ കണ്ണുകള് നിറഞ്ഞു. 42 ദിവസം അബോധാവസ്ഥയില് തിരുവനതപുരം കിംസ് ആശുപത്രിയില് കിടന്നാണ് അച്ഛന് മരിക്കുന്നത്. എല്ലാ ദിവസവും ആ കിടക്കക്കരികില് കുറച്ചു നേരമെങ്കിലും ഇരിക്കാന് എനിക്ക് കഴിഞ്ഞു എന്നത് എന്റെ മനസ്സിന്റെ സമാധാനം എന്നുമായിരുന്നു ബാലചന്ദ്രമേനോന് കുറിച്ചത്.