കൊച്ചി. മാലിന്യ സംസ്‌കരണ കേന്ദ്രത്തിലെ തീപിടിത്തത്തില്‍ ഇടപെടണമെന്ന് ആവശ്യപ്പെടട് ഹൈക്കോടതി ചീഫ്ജസ്റ്റിസിന് കത്ത്. വലിയ തോതില്‍ വിഷപ്പുക നിറഞ്ഞ് കൊച്ചിയില്‍ ജനജീവിതം ബുദ്ധിമുട്ടിലാണ്. ജസ്റ്റിസ് ദേവന്‍ രാമചന്ദ്രമാണ് കത്ത് ചീഫ്ജസ്റ്റിസിന് നല്‍കിയത്. തീ പടര്‍ന്നതോടെ വലിയ പുകയാണ് കൊച്ചി നഗരത്തില്‍. ശ്വാസ തടസ്സം ഉള്‍പ്പെടെ പലര്‍ക്കും ഉണ്ടായതായും റിപ്പോര്‍ട്ടുകള്‍ ഉണ്ട്.
തീ അണയ്ക്കുവാന്‍ സാധിച്ചെങ്കിലും വലിയതോതില്‍ പുക ഉയരുകയാണ്. കനത്ത പുക ഉയര്‍ന്നതോടെ തീ കെടുത്തുവാന്‍ നാവിക സേനയുടെ സഹായം തേടിയിരുന്നു. നഗരത്തിലെ സ്‌കൂളുകളിലെ ഏഴ് വരെയുള്ള ക്ലാസുകള്‍ക്ക് കളക്ടര്‍ അവധി പ്രഖ്യാപിച്ചിട്ടുണ്ട്. മാലിന്യ സംസ്‌കരണ കേന്ദ്രത്തിന് സമീപം താമസിക്കുന്നവര്‍ പുറത്തിറങ്ങരുതെന്നാണ് കളക്ടറുടെ നിര്‍ദേശം.
