കശ്മീർ താഴ് വരയിൽ പൊലീസുകാരെ തട്ടികൊണ്ട് പോകുന്ന സംഭവങ്ങൾ തുടർക്കഥയാകുന്നു. ഈമാസം രണ്ടാമത്തെ സംഭവമാണ് ഇപ്പോൾ താഴ്വരയിൽ അരങ്ങേറിയിരിക്കുന്നത്. ജമ്മുകശ്മീരിൽ പുൽവാമ ജില്ലയിലെ ത്രാൽ ഗ്രാമത്തിൽ നിന്നാണ് തീവ്രവാദികൾ പൊലീസുകാരനെ തട്ടികൊണ്ട് പോയിരിക്കുന്നത്. മുദാഷിർ അഹമ്മദിനെ തീവ്രവാദികൾ തട്ടിക്കൊണ്ടുപോയതായി കാണിച്ചു കുടുംബം പോലീസിൽ പരാതി നൽകിയിട്ടുണ്ട്. സേനയിൽ പാചകക്കാരനായി ജോലി നോക്കുകയായിരുന്നു മുദാഷിർ. പൊലീസുകാരനെ കാണാതായെന്ന പരാതി ലഭിച്ചിട്ടുണ്ടെന്നും കൂടുതൽ അന്വേഷണം നടന്ന് വരികയാണെന്നും കശ്മീർ ഡി.ജി.പി എസ്.പി വാഹിദ് അറിയിച്ചു. കാണാതായ പൊലീസുകാരൻ്റെ ബന്ധുക്കളെ ഡി.ജി.പി സന്ദർശിച്ചിരുന്നു. ഇൗ മാസം ആദ്യം ജാവേദ് ദർ എന്ന പൊലീസുകാരനെ തീവ്രവാദികൾ തട്ടികൊണ്ട് പോവുകയും കൊലപ്പെടുത്തുകയും ചെയ്തിരുന്നു. ഇതിന് മുമ്പും പൊലീസുകാരെ തീവ്രവാദികൾ തട്ടിക്കൊണ്ടുപോയതായി പരാതികൾ ലഭിച്ചിരുന്നു.
https://youtu.be/9Vk1GIEevwM
