അഫ്ഗാനിസ്ഥാനിലെ കാബൂൾ വിമാനത്താവളത്തിലെ രക്ഷാദൗത്യ൦ ദുഷ്കരമാണെന്നും അന്തിമ ഫലം ഉറപ്പിക്കാനാവില്ലെന്നും യു.എസ്. പ്രസിഡൻറ് ജോ ബൈഡൻ. ചരിത്രത്തിലെ തന്നെ ഏറ്റവും ബുദ്ധിമുട്ടേറിയ ദൗത്യമാണിതെന്നും അപകടകരമായാ സാഹചര്യമാണെന്നും അദ്ദേഹം പറഞ്ഞു. അതേസമയം ‘അമേരിക്കൻ പൗരന്മാരെ സഹായിച്ച മുഴുവൻ അഫ്ഗാൻകാരെയും രക്ഷപ്പെടുത്തും’, എന്ന് ജോ ബൈഡൻ അറിയിച്ചു. സേന പിന്മാറ്റത്തിൽ യു.എസ് ഇന്റലിജൻസിന് വീഴ്ച പറ്റിയിട്ടില്ലെന്നും അദ്ദേഹം വിശദമാക്കി.
കാബൂൾ വിമാനത്താവളത്തിൽ സുരക്ഷയ്ക്കായി ആറായിരം സൈനികരാണ് ഉള്ളത്. ഇതിനകം 18,000 പേരെ അഫ്ഗാനിസ്ഥാനിൽ നിന്ന് മാറ്റി. അഫ്ഗാനിൽ യു.എസിനെ സഹായിച്ച സ്വദേശികളെ അമേരിക്കയിൽ എത്തിക്കുമെന്നും ജോ ബൈഡൻ പറഞ്ഞു.
