ആലപ്പുഴ: എടത്വയില് കെ.എസ്.ആര്.ടി.സി. ബസിടിച്ച് പരിക്കേറ്റ രണ്ട് സ്കൂട്ടര് യാത്രികർ മരിച്ചു. തിരുവല്ല പൊടിയാടി പെരിങ്ങര സ്വദേശികളായ സോമൻ (65), മോഹനൻ (62) എന്നിവരാണ് മരിച്ചത്.
എടത്വ- തകഴി സംസ്ഥാന പാതയില് കേളമംഗലം പറത്തറ പാലത്തിന് സമീപം ബുധനാഴ്ചയായിരുന്നു അപകടം. ഇടിയുടെ ആഘാതത്തില് സ്കൂട്ടര് നൂറ് മീറ്ററോളം നിരങ്ങിമാറിയാണ് നിന്നത്. സ്കൂട്ടറില് നിന്ന് യാത്രക്കാര് തെറിച്ചുവീണാണ് അപകടം സംഭവിച്ചത്.
തകഴിയിലെ തടിമില്ലിലെ ജീവനക്കാരായിരുന്നു രണ്ടുപേരും. തിരുവല്ലയിലേക്ക് പോവുകയായിരുന്ന ചേര്ത്തല ഡിപ്പോയിലെ ബസാണ് ഇടിച്ചത്.