മലയാള സിനിമയിലെ താരരാജാക്കന്മാരാണ് മമ്മൂട്ടിയും സുരേഷ് ഗോപിയും മോഹന്‍ലാലും. മൂവരും ഒന്നിച്ചെത്തിയ സിനിമകള്‍ അപൂര്‍വ്വമാണെങ്കിലും താരങ്ങളുടെ ഒത്തുകൂടല്‍ എപ്പോഴും ആരാധകര്‍ ആഘോഷമാക്കാറുണ്ട്. ഇന്ന് പിറന്നാള്‍ ആഘോഷിച്ച സുരേഷ് ഗോപിക്ക് മമ്മൂട്ടിയും മോഹന്‍ലാലും ആശംസകള്‍ അറിയിച്ചിരുന്നു. അമ്മയുടെ വാര്‍ഷിക ജനറല്‍ ബോഡി യോഗത്തില്‍ മൂവരും ചേര്‍ന്ന് പിറന്നാള്‍ ആഘോഷിക്കുകയും ചെയ്തു. ഇപ്പോഴിതാ സുരേഷ് ഗോപി പങ്കുവച്ച ഫോട്ടോയാണ് ശ്രദ്ധനേടുന്നത്.
അമ്മ യോഗത്തില്‍ പിറന്നാള്‍ ആഘോഷിച്ചതിന്റെ ചിത്രമാണ് സുരേഷ് ഗോപി പങ്കുവച്ചത്. സുരേഷ് ഗോപിക്കൊപ്പം മമ്മൂട്ടിയും മോഹന്‍ലാലും ഉണ്ട്. ഹൃദയ സിമ്പലിനൊപ്പമാണ്‌ സുരേഷ് ഗോപി ചിത്രം പങ്കുവച്ചത്. പിന്നാലെ നിരവധി പേരാണ് പോസ്റ്റിന് കമന്റുമായി രംഗത്തെത്തിയത്.
