മലയാളികളുടെ പ്രിയപ്പെട്ട നടിയാണ് മഞ്ജു പത്രോസ്.വെറുതെ അല്ല ഭാര്യ എന്ന റിയാലിറ്റി ഷോയിലൂടെയായിരുന്നു മഞ്ജുവിന്റെ തുടക്കം.പിന്നീട് മനിസ്‌ക്രീനിലും ബിഗ്‌സ്‌ക്രീനിലുമായി താരം പ്രേക്ഷകർക്ക് മുന്നിൽ എത്തി. നോർത്ത് 24 കാതം, ഉട്ടോപ്യയിലെ രാജാവ്, മഹേഷിൻറെ പ്രതികാരം, കമ്മട്ടിപ്പാടം, മുന്തിരിവള്ളികൾ തളിർക്കുമ്പോൾ, തൊട്ടപ്പൻ തുടങ്ങി ഒട്ടേറെ ശ്രദ്ധേയ സിനിമകളിൽ ഇതിനകം കഥാപാത്രങ്ങളെ അവതരിപ്പിച്ചിട്ടുണ്ട് താരം. എന്നാൽ ബിഗ് ബോസ് സീസൺ രണ്ടിൽ എത്തിയതോടെ താരം ചില വിവാദങ്ങളിലും പെട്ടിരുന്നു.താരത്തിനെതിരെ സൈബർ ആക്രമണവും രൂക്ഷമായിരുന്നു.
ഇപ്പോഴും സോഷ്യൽ മീഡിയകളിൽ ഓരോ പോസ്റ്റുമായി എത്തുമ്പോൾ നെഗറ്റീവ് കമന്റുകൾ പതിവാണ്. ഷോയിൽ നിന്ന് പുറത്തെത്തിയതിനു ശേഷം ‘ബ്ലാക്കീസ്’ എന്ന പേരിലുള്ള തങ്ങളുടെ യുട്യൂബ് ചാനലും അഭിനയവും ഒക്കെയായി മുന്നോട്ടുപോവുകയാണ് മഞ്ജു. വ്യക്തിപരമായ വിശേഷങ്ങളൊക്കെ അവർ ഫേസ്ബുക്കിലൂടെ പങ്കുവെക്കാറുമുണ്ട്.ഇപ്പോൾ താരത്തിന്റെ പുതിയ ചിത്രമാണ് ആരാധകർ ഏറ്റെടുത്തിരിക്കുന്നത്. അളിയൻസിൽ ഒപ്പം അഭിനയിക്കുന്ന സൗമ്യ ഭാഗ്യന്റെ പിറന്നാൾ ദിനംത്തിലാണ് മനോഹരമായ കുറിപ്പ് പങ്കുവെച്ചത്.
” ഒരുമിച്ചിരുന്നു ഒരുപാട് പൊട്ടിചിരിച്ചിട്ടുണ്ട്.. ഒരുപാട് കരഞ്ഞിട്ടുണ്ട്… ഒരാളുടെ സങ്കടം കാണുമ്പോൾ, സന്തോഷം കാണുമ്പോൾ ഹൃദയത്തോട് ചേർത്ത് നിർത്തിയിട്ടുണ്ട്..ഞാൻ കരഞ്ഞാൽ അപ്പൊ പറയും ‘പോയി പണിനോക്കാൻ പറ ചേച്ചി.. ചേച്ചി കരയണ്ട..ചേച്ചി വന്നേ..,’ഇങ്ങനെ പറയാൻ ഒരു അനിയത്തി ഒരു കൂട്ടുകാരി ഉണ്ടാകുന്നത് ഭാഗ്യമാണ്.. ഇനിയും ഒരുപാട് ചിരിക്കാനും ഓടാനും ഉണ്ട് ഞങ്ങൾക്ക്. എന്റെ കൊച്ചിന് ഒരായിരം ജന്മദിനാശംസകൾ”, എന്നാണ് മഞ്ജു കുറിച്ചത്.
മഞ്ജുവിന്റെ ആശംസകൾക്ക് മറുപടിയുമായി സൗമ്യയും എത്തുകയുണ്ടായി. എന്റെ ജീവിതത്തിൽ എനിക്ക് കിട്ടിയ ഏറ്റവും വലിയ തുണ. മനസ് നിറയെ സ്നേഹം മാത്രം ചേച്ചി ഉമ്മ, എന്നാണ് സൗമ്യ മറുപടിയായി കുറിച്ചത്
