വർഷങ്ങളുടെ ഇടവേളയ്ക്ക് ശേഷം വീണ്ടും മലയാള സിനിമയിൽ സജീവമാകുകയാണ് നടി മീര ജാസ്മിൻ. ഒരു കാലത്ത് മലയാളത്തിലെ സൂപ്പർ നായികയായി മിന്നിയ താരമാ മീര, വിവാഹ ശേഷം നീണ്ട ഇടവേള എടുക്കുകയായിരുന്നു. സത്യൻ അന്തിക്കാട് ചിത്രം മകൾ ആണ് മീര ജാസ്മിന്റെ രണ്ടാം വരവിൽ ഏറ്റവും ശ്രദ്ധേയമായ ചിത്രം. എ. പത്മകുമാർ സംവിധാനം ചെയ്യുന്ന ക്വീൻ എലിസബത്താണ് മീരയുടേതായി അവസാനമായി പുറത്തിറങ്ങിയ ചിത്രം.
കഴിഞ്ഞ ദിവസമാണ് മീര തന്റെ 42 ആം ജന്മദിനം ആഘോഷിച്ചത്. അമ്മയ്‌ക്കൊപ്പം കേക്ക് മുറിച്ച് ജന്മദിനം ആഘോഷിക്കുന്ന മീരയുടെ ചിത്രങ്ങൾ ഇതിനോടകം തന്നെ സോഷ്യൽ മീഡിയ ഏറ്റെടുത്തു കഴിഞ്ഞു. നിരവധിപ്പേരാണ് ആശംസകളുമായെത്തുന്നത്. മീരയ്ക്ക് 42 വയസായി എന്ന് പറഞ്ഞത് വിശ്വസിക്കാൻ പറ്റുന്നില്ല എന്നാണ് ആരാധകരുടെ അഭിപ്രായം.
2014ലാണ് ദുബായിലുള്ള എഞ്ചിനീയർ ആയ അനിൽ ജോൺ ടൈറ്റസുമായി മീരയുടെ വിവാഹം നടക്കുന്നത്. പിന്നീട് ദുബായിലേക്ക് ചേക്കേറിയ മീര മാധ്യമങ്ങളിൽ നിന്നും അകലം പാലിച്ചിരുന്നു. ഒപ്പം മീരയെക്കുറിച്ച് യാതൊരു അറിവും ലഭിക്കാതിരുന്ന ആരാധകരെ ഞെട്ടിച്ചുകൊണ്ട് ആയിരുന്നു മീര സിനിമയിലേക്ക് പെട്ടെന്നൊരുനാൾ മടങ്ങിയെത്തിയത്.
