തിരുവനന്തപുരം: നടിയെ ആക്രമിച്ച കേസില് ദിലീപിന് അനുകൂലമായി തന്റെ യൂട്യൂബ് ചാനലിലൂടെ മുന് ഡി ജി പി ആര് ശ്രീലേഖ നടത്തിയ വെളിപ്പെടുത്തല് വിവാദമായിരിക്കുകയാണ്. ഇതിനുപിന്നാലെ ദിലീപും ശ്രീലേഖയും തമ്മിലുള്ള വാട്സാപ്പ് ചാറ്റുകളും പുറത്തുവന്നിരിക്കുകയാണ്.
റിപ്പോര്ട്ടര് ചാനലാണ് ഇന്നലെ രാത്രി വാട്സാപ്പ് ചാറ്റുകള് പുറത്തുവിട്ടത് (മുംബയ് ഫോറന്സിക് ലാബില് ദിലീപിന്റെ ഫോണുകളുടെ മിറര് ഇമേജ് എടുത്തപ്പോള് ലഭിച്ചതാണിത് ). 2021മേയ് 23ന് രാവിലെ 10.22നാണ് ദിലീപ് ശ്രീലേഖയ്ക്ക് ആദ്യം മെസേജ് അയച്ചത്.
വാട്സാപ്പ് ചാറ്റ്
’’ മാഡം, സുഖമെന്ന് കരുതുന്നു, ഞാന് ദിലീപാണ്… നടന്’’ എന്നു പറയുന്നു. ഉച്ചയ്ക്ക് 2.12ന് വീണ്ടും വിളിച്ചിരുന്നു. ’’ഫ്രീയാകുമ്ബോള് ഒന്ന് തിരിച്ചുവിളിക്കണേ”” എന്ന് മെസേജും അയച്ചു. 3.39ന് ശ്രീലേഖ മറുപടിയായി യൂട്യൂബ് ചാനലിന്റെ ലിങ്ക് അയച്ചു. സമയം കിട്ടുമ്ബോള് കണ്ടുനോക്കണമെന്നും പറയുന്നുണ്ട്. 3.41ന് തന്നെ ദിലീപിന്റെ മറുപടി: തീര്ച്ചയായും മാഡം. യൂ ട്യൂബ് ചാനല് തുടങ്ങിയ വിവരം 2021ജൂലായ് ഒന്നിന് വീണ്ടും മെസേജ് ആയി ശ്രീലേഖ അറിയിക്കുന്നുണ്ട്. ’’ഇതെന്റെ സ്വന്തം യൂ ട്യൂബ് ചാനലാണ്. ഷെയറും സബ്സ്ക്രൈബും ചെയ്യണം.””