മലയാളികളുടെ പ്രിയനടനായ കലാഭവൻ മണിയെ നിറത്തിന്റെ പേരില് അപമാനിച്ചു എന്ന വാർത്ത വലിയ രീതിയില് ചർച്ചയായിരുന്നു. ദിവ്യ ഉണ്ണിയാണ് ആ നായിക എന്ന രീതിയില് അന്ന് വാർത്തകള് പ്രചരിച്ചിരുന്നു. വിനയന്റെ സംവിധാനത്തില് പിറന്ന ചിത്രമാണ് കല്യാണസൗഗന്ധികം. ഈ ചിത്രത്തിലൂടെയാണ് ദിവ്യ ഉണ്ണി നായികയായി അഭിനയിക്കുന്നത്. ഈ ചിത്രത്തില് ദിവ്യയുടെ മുറചെറുക്കാനായാണ് കലാഭവന് മണി അഭിനയിച്ചത്. ഒരു പാട്ട് രംഗത്തില് ഇരുവരും പ്രണയിക്കുന്നതായി കാണിക്കുന്നുണ്ട്. എന്നാല് ഗാന രംഗം ചിത്രീകരിക്കുന്ന സമയത്ത് ‘ഈ കറുമ്പന്റെ കൂടെ അഭിനയിക്കാന് ഞാനില്ലെന്ന്’ നടി പറഞ്ഞതായും അങ്ങനെ ആ പാട്ട് സിനിമയില് നിന്നും ഒഴിവാക്കിയെന്നുമാണ് അന്ന് പ്രചരിച്ച റിപ്പോര്ട്ടുകൾ. ഈ വാര്ത്ത സോഷ്യല് മീഡിയയിലൂടെ പ്രചരിച്ച് തുടങ്ങിയതോടെ ദിവ്യ ഉണ്ണിയ്ക്ക് നേരെ വ്യാപക വിമര്ശനവും ഉയര്ന്ന് വന്നു. ഈ വിഷയത്തിൽ വ്യക്തത വരുത്തിയിരിക്കുകയാണ് നടി ഇപ്പോൾ.
ഈ വാർത്തകളുടെ പേരില് നടിക്ക് നേരെ പിന്നീട് നിരവധി സൈബർ ആക്രമണങ്ങളും മറ്റും നേരിടേണ്ടി വന്നിരുന്നു. ഇപ്പോഴിതാ സംഭവത്തിലെ യഥാർത്ഥ വസ്തുത വെളിപ്പെടുത്തുകയാണ് ദിവ്യ ഉണ്ണി.
സത്യത്തില് അതിനെക്കുറിച്ച് എനിക്കൊന്നും അറിയില്ല. അതുകൊണ്ട് തന്നെ ഞാന് അതിനെക്കുറിച്ചൊന്നും സംസാരിക്കുന്നില്ല. കാരണം പ്രധാനമായും ഈ കമന്റുകള് കൊണ്ട് തന്നെയാണ്. നമ്മള് എന്തൊക്കെ പറഞ്ഞാലും അത് വെറും ഒരു ജസ്റ്റിഫിക്കേഷന് പോലെ ആകും. നമ്മള് നമ്മളുടെ ഭാഗം പറയുന്ന പോലെ തോന്നും. അതുകൊണ്ടുതന്നെ ഞാന് അതിനു മറുപടി പറയാന് ആഗ്രഹിക്കുന്നില്ല. മണിച്ചേട്ടന് പോയില്ലേ. അദ്ദേഹവുമായുള്ള ബന്ധം എന്നു പറയുന്നത് എത്രയോ നാളത്തെ ബന്ധം ആയിരുന്നു. ആദ്യത്തെ സിനിമ മുതല് എത്രയോ സിനിമകള് ഞങ്ങള് ഒരുമിച്ചു ചെയ്തതാണ്. അതിനെക്കുറിച്ചൊന്നും ഞാന് പറയുന്നില്ല.
ഞാന് ആത്മാവിനോട് ഉള്ള ബഹുമാനം നിലനിര്ത്തിക്കൊണ്ടാണ് പറയുന്നത്. സത്യാവസ്ഥ എന്താണെന്ന് എനിക്ക് അറിയാം. ഇതിനുള്ള മറുപടി അവര് അര്ഹിക്കുന്നില്ലെന്ന് തോന്നുന്നു. മറുപടിയും നമ്മുടെ സമയവും അവര് അര്ഹിക്കുന്നില്ല. മാത്രമല്ല ഇത്തരം നെഗറ്റീവ് കമന്റുകള് ഞാന് ഒരിക്കലും നോക്കാറില്ല.