അടുത്തിടെയാണ് സ്വവര്ഗാനുരാഗികളായ ഫാത്തിമയ്ക്കും ആദിലയ്ക്കും അനുകൂലമായി ഹൈക്കോടതി വിധി പ്രഖ്യാപിച്ചിരുന്നു. ഫാത്തിമയെ ആദിലയുടെ ഒപ്പം വിടുകയായിരുന്നു. ഇതിന് പിന്നാലെ ഇരുവര്ക്കും വലിയ സൈബര് ആക്രമണവുമുണ്ടായി. ഇവരെ നോര്മല് ആകാക്ന് പറ്റുമോ എന്ന ചോദ്യമാണ് സോഷ്യല് മീഡിയയില് നിറയെ. എന്നാല് ഈ ചോദ്യം തന്നെ അടിസ്ഥാന രഹിതമാണെന്ന് പറയുകയാണ് ഡോ. ഷിംന അസീസ്.
ഒരു കല്യാണം കഴിഞ്ഞാല് ഒക്കെ ശര്യാവും എന്നൊക്കെ ചിന്തിക്കുന്നവരോട് വ്യക്തമായിത്തന്നെ പറയാം, ഇങ്ങനെ സെക്ഷ്വല് ഓറിയന്റേഷന് മറച്ച് വച്ചോ മറ്റ് മാര്ഗ്ഗങ്ങളില്ലാതെയോ മറ്റോ അവരവരുടെ താല്പര്യങ്ങള്ക്ക് വിരുദ്ധമായി വിവാഹം ചെയ്യുന്ന സന്ദര്ഭങ്ങളില് അവര് രണ്ട് പേരുടെ ജീവിതവും ഒരുപോലെ കുഴപ്പത്തിലാവാനാണ് സാധ്യത. കല്യാണം/കൗണ്സിലിംഗ്/ശാരീരിക-മാനസികപീഡനം തുടങ്ങി ഒന്നും സെക്ഷ്വല് ഓറിയന്റേഷന് മാറ്റില്ല.- ഷിംന അസീസ് കുറിച്ചു.
ഡോ. ഷിംന അസീസിന്റെ കുറിപ്പ്, കൗണ്സിലിംഗ് വഴി ലെസ്ബിയന്/ഗേ വിഭാഗത്തില് പെട്ടവരെ നോര്മല് ആക്കാന് പറ്റുമോ?’ കഴിഞ്ഞ ദിവസം ഈ വിഷയം വാര്ത്തയായതിനു ശേഷം ചുറ്റോട് ചുറ്റ് നിന്നും ഈ ചോദ്യമാണ്. നോക്കൂ, ഈ ചോദ്യം തന്നെ അടിസ്ഥാനപരമായി തെറ്റാണ്. നോര്മല് എന്ന് ഭൂരിപക്ഷവും കരുതുന്ന ഹെറ്ററോസെക്ഷ്വാലിറ്റി അഥവാ മറ്റൊരു ജെന്ഡറില് പെട്ട വ്യക്തിയോട് തോന്നുന്ന ആകര്ഷണം പോലെ തന്നെ നോര്മലായ മറ്റൊന്നാണ് ഹോമോസെക്ഷ്വാലിറ്റി അഥവാ ഒരേ ജെന്ഡറിലുള്ള വ്യക്തിയോട് തോന്നുന്ന ആകര്ഷണവും.
നിങ്ങള് ഒരു ഹെറ്ററോസെക്ഷ്വല് ആണെങ്കില് നിങ്ങളെ കൗണ്സില് ചെയ്ത് ഗേ അല്ലെങ്കില് ലെസ്ബിയന് ആക്കാന് സാധിക്കില്ല. അതുപോലെ ലെസ്ബിയന്/ഗേ വിഭാഗത്തില് പെട്ടവരെ കൗണ്സിലിംഗോ അത്തരം ഏതെങ്കിലും മാര്ഗ്ഗങ്ങളോ വഴി ഹെട്രോസെക്ഷ്വല് ആക്കാനും പറ്റില്ല. സെക്ഷ്വല് ഓറിയന്റേഷന് ഒരു വ്യക്തിയുടെ ജനിതകം, ഹോര്മോണ് സംബന്ധം എന്നിങ്ങനെ പല ഘടകങ്ങള് കൊണ്ട് രൂപപ്പെടുന്ന ഒന്നാണ്. ‘മാറ്റാന്’ വേണ്ടി അസാധാരണമായി ഒന്നും ഇതിലില്ല. പങ്കാളിയെ തിരഞ്ഞെടുക്കുന്നത് ബന്ധപ്പെടാനും കുട്ടികളെ ഉണ്ടാക്കാനും വേണ്ടി മാത്രമല്ല.
ഒരു കല്യാണം കഴിഞ്ഞാല് ഒക്കെ ശര്യാവും എന്നൊക്കെ ചിന്തിക്കുന്നവരോട് വ്യക്തമായിത്തന്നെ പറയാം, ഇങ്ങനെ സെക്ഷ്വല് ഓറിയന്റേഷന് മറച്ച് വച്ചോ മറ്റ് മാര്ഗ്ഗങ്ങളില്ലാതെയോ മറ്റോ അവരവരുടെ താല്പര്യങ്ങള്ക്ക് വിരുദ്ധമായി വിവാഹം ചെയ്യുന്ന സന്ദര്ഭങ്ങളില് അവര് രണ്ട് പേരുടെ ജീവിതവും ഒരുപോലെ കുഴപ്പത്തിലാവാനാണ് സാധ്യത. കല്യാണം/കൗണ്സിലിംഗ്/ശാരീരിക-മാനസികപീഡനം തുടങ്ങി ഒന്നും സെക്ഷ്വല് ഓറിയന്റേഷന് മാറ്റില്ല.
ഇനി ഇത്തരം വാര്ത്തകള്ക്ക് താഴെ മൃഗരതി, ശവഭോഗം എന്നൊക്കെ കുത്തിക്കേറ്റി എല്ലാം കൂടെ ഒരൊറ്റക്കെട്ടാക്കിക്കാണിക്കാന് ശ്രമിക്കുന്നവര്, എന്താണ് കണ്സെന്റ് എന്നും, ഏതൊക്കെ സന്ദര്ഭങ്ങളിലാണ് രണ്ട് പേര്ക്ക് പൂര്ണ്ണമായ കണ്സെന്റ് നല്കാനാവുക എന്നതുമൊക്കെ ഒന്ന് വായിച്ച് പഠിക്കാവുന്നതാണ്. അതെങ്ങനെയാ, . അത് സാധ്യവുമല്ല. ‘ഇവരെ കണ്ട് പഠിക്കൂല്ലേ?’ എന്ന പറച്ചിലില് കതിരില്ല. സെക്ഷ്വല് ഓറിയന്റേഷന് ആരെയെങ്കിലും കണ്ട് അതുപോലെ കാണിക്കുന്ന ഒന്നല്ല. മുന്പ് പറഞ്ഞത് പോലെ അവരെ അവരുടെ പാട്ടിന് വിടാം. അതാണ് അതിന്റെ ശരിയും.