കോഴിക്കോട് . സിനിമയിൽ അവസരം വാഗ്ദാനം ചെയ്ത് യുവതിയെ കോഴിക്കോട്ടെ ഫ്ളാറ്റിൽ പീഡിപ്പിച്ച സംഭവത്തിന്റെ അന്വേഷണം സീരിയൽ നടിയിലേക്ക്. പീഡന സംഭവത്തിന്റെ അന്വേഷണം സീരിയൽ നടിയിലേക്കെന്ന് ഒരു മാധ്യമം റിപ്പോർട്ട് ചെയ്തു. യുവതിയെ പ്രതികൾക്ക് പരിചയപ്പെടുത്തിയ സീരിയൽ നടിയിൽ നിന്ന് പൊലീസ് മൊഴിയെടുത്തതായും റിപ്പോർട്ടുണ്ട്.
കോട്ടയം സ്വദേശിനിയായ ഇരുപത്തിനാലുകാരിയെയാണ് കഴിഞ്ഞ ശനിയാഴ്ച കോഴിക്കോട് നഗരത്തിലെ ഫ്ളാറ്റിൽവച്ച് പീഡനത്തിനിരയാക്കുന്നത്. ഇത് സംബന്ധിച്ച് യുവതി നടക്കാവ് പൊലീസിൽ പരാതി നൽകിയിരുന്നു. കേസിൽ നടക്കാവ് പൊലീസ് കേസ് രജിസ്റ്റർ ചെയ്ത് അന്വേഷണം നടത്തി വരുകയാണ്.
തിരൂരങ്ങാടി, പരപ്പനങ്ങാടി സ്വദേശികളാണ് കേസിലെ പ്രതികളെന്നാണ് വിവരം. ഇവർ ഒളിവിലാണെന്നാണ് പോലീസ് പറയുന്നത്. സിനിമയിൽ അഭിനയിക്കാൻ അവസരം നൽകാമെന്ന് പറഞ്ഞ് പ്രതികൾ ഫ്ലാറ്റിലേക്ക് യുവതിയെ വിളിച്ചുവരുത്തുകയായിരുന്നു. ലഹരി മരുന്ന് കലർത്തി ജ്യൂസ് നൽകി യുവതിയെ തുടർന്ന് പീഡിപ്പിക്കുകയായിരുന്നു.
