സ്വകാര്യ ആശുപത്രിയിലെ വനിതാ ഡോക്ടര് ഫ്ലാറ്റില് നിന്നും വീണ് മരിച്ചു. പത്തനംതിട്ട കോയിപ്പുറം, പുല്ലാട്, കുളത്തുമ്മാട്ടക്കല് ബെതേസ്ദോ വീട്ടില് ജോര്ജ് എബ്രഹാമിന്റെ മകള് രേഷ്മ ആന് എബ്രഹാം ആണ് മരിച്ചത്. 27 വയസായിരുന്നു. 14-ാം നിലയില് നിന്നാണ് രേഷ്മ വീണത്. ആത്മഹത്യയാണെന്നാണ് പൊലീസ് നല്കുന്ന സൂചന.
കൊച്ചിയിലെ സ്വകാര്യ ആശുപത്രിയില് റെസിഡന്റ് ഡോക്ടറാണ് മരിച്ച രേഷ്മ. ശനിയാഴ്ച മൂന്നിന് താമസസ്ഥലമായ ചിറ്റൂരിലെ ഫ്ലാറ്റിന്റെ 14-ാം നിലയില് നിന്നും ചാടുകയായിരുന്നു. തല്ക്ഷണം മരണം സംഭവിച്ചു. മൃതദേഹം സ്വകാര്യ ആശുപത്രി മോര്ച്ചറിയില്.
ചിറ്റൂരിലെ ഫ്ലാറ്റിലെ പതിനാലാം നിലയില്നിന്നാണ് രേഷ്മ ചാടിയത്. അതേസമയം സംഭവം ആത്മഹത്യ തന്നെ എന്ന നിലപാടിലാണ് പോലീസ്. മറ്റെന്തെങ്കിലും ബാഹ്യ ഇടപെടലുകള് ഉണ്ടോ എന്ന് അന്വേഷിക്കുന്നുമുണ്ട്.