കൊച്ചി. മന്ത്രിമാരുടെ പഴ്‌സനല്‍ സ്റ്റാഫ് വിഷയത്തില്‍ സര്‍ക്കാരിനും മന്ത്രിമാര്‍ക്കും എതിരെ ഹൈക്കോടതി. സ്റ്റാഫിന്റെ എണ്ണത്തില്‍ പരിധി നിശ്ചയിക്കണമെന്ന് പറഞ്ഞ കോടതി ഇത് മുഖ്യമന്ത്രിക്കും പ്രതിപക്ഷ നേതാവിനും ചീഫ് വിപ്പിനും ബാധകമാണെന്നും വ്യക്തമാക്കി. ചീഫ് ജസ്റ്റിസ് അധ്യക്ഷനായ ഡിവിഷന്‍ ബഞ്ചിന്റേതാണ് നിര്‍ദേശം.
കണക്കില്ലാതെ ആളുകളെ സ്റ്റഫില്‍ നിയമിക്കുന്നത് ശരിയല്ലെന്നും കോടതി പറഞ്ഞു. അതേസമയം മന്ത്രിമാരുടെ പഴ്‌സനല്‍ സ്റ്റാഫിന്റെ നിയമനത്തിന് മാനദണ്ഡം നിശ്ചയിക്കണമെന്ന ആവശ്യപ്പെട്ടുള്ള ഹര്‍ജി ഹൈക്കോടതി തള്ളി. പഴ്‌സനല്‍ സ്റ്റഫുകള്‍ക്ക് പെന്‍ഷന്‍ നല്‍കുന്ന ചട്ടം ഭരണഘടനാവിരുദ്ധമായി പ്രഖ്യാപിക്കണമെന്നായിരുന്നു ഹര്‍ജി. ഇത് സര്‍ക്കാരിന്റെ നയപരമായ തീരുമാനം ആണെന്ന് കോടതി പറഞ്ഞു.
