മലയാളികളുടെ പ്രിയപ്പെട്ട മിനിസ്‌ക്രീൻ താരമാണ് മേഘ്‌ന വിൻസെന്റ്. ചന്ദനമഴയിലെ അമൃത എന്ന കഥാപാത്രമായി തിളങ്ങിയ താരം പിന്നീട് മലയാള സീരിയിൽ രംഗത്ത് നിന്നും വിട്ടു നിൽക്കുകയായിരുന്നു. തമിഴ് മിനിസ്‌ക്രീനിൽ മേഘ്‌ന സജീവമായിരുന്നു. ഇപ്പോൾ നീണ്ട നാളുകൾക്ക് ശേഷം മലയാള മിനിസ്‌ക്രീൻ രംഗത്ത് വീണ്ടും എത്തിയിരിക്കുകയാണ് നടി.
മുൻപൊരു അഭിമുഖത്തിൽ മേഘ്‌ന തന്റെ സ്വകാര്യ ജീവിതത്തെ കുറിച്ച് പറഞ്ഞ കാര്യങ്ങൾ വീണ്ടും വൈറലാവുന്നു. വാക്കുകളിങ്ങനെ, എല്ലാവർക്കും ജീവിതത്തിൽ ഉയർച്ച താഴ്ചകൾ ഉണ്ടാവും. അതിനെ എങ്ങിനെ സമീപിക്കുന്നു എന്നതിലാണ് കാര്യം. ഏതൊരു കഷ്ടത്തെയും നമ്മൾ മുറുകെ പിടിയ്ക്കുമ്പോഴാണ് ആ വിഷമം കൂടുന്നത്. അതിനെ അങ്ങ് വിട്ടേക്കുക. നടക്കുന്നത് പോലെ നടക്കട്ടെ എന്ന് കരുതി കഴിഞ്ഞാൽ, ആ ഭാരം നമുക്ക് അനുഭവപ്പെടില്ല.
ജീവിതത്തിൽ കഴിഞ്ഞത് ഒന്നും താൻ മറക്കില്ല. നല്ലതായാലും ചീത്തയായാലും എല്ലാ അനുഭവങ്ങളിൽ നിന്നും എന്തെങ്കിലും ഒക്കെ പഠിക്കാനുണ്ടാവും. കഴിഞ്ഞ് പോയത് എല്ലാം മുന്നോട്ടേക്ക് നടക്കാനുള്ള ശക്തി തരും എന്നാണ് ഞാൻ വിശ്വസിയ്ക്കുന്നത്-
പ്രണയത്തെ കുറിച്ചും വിവാഹത്തെ കുറിച്ചും ചോദിച്ചപ്പോൾ, ഇപ്പോൾ സിംഗിളാണ്, പെട്ടന്ന് മിംഗിൾ ആവാൻ താത്പര്യമില്ല എന്നായിരുന്നു നടിയുടെ പ്രതികരണം. പ്രണയ വിവാഹമാണോ അറേഞ്ച്ഡ് മാര്യേജ് ആണോ താത്പര്യം എന്ന് ചോദിച്ചപ്പോൾ, എങ്ങിനെ വിവാഹം ചെയ്താലും സമാധാനം ഉണ്ടായാൽ മതി എന്ന് മേഘ്‌ന പറയുന്നു.
