വിവാദ പരാമര്ശത്തിന് പിന്നാലെ പിസി ജോര്്ജ്ജിനെതിരെ നിരവധി പേരാണ് രംഗത്തെത്തുന്നത്. ഇപ്പോള് പിസിക്ക് എതിരെ വിമര്ശനം ഉന്നയിച്ച് രംഗത്ത് എത്തിയിരിക്കുകയാണ് ഡോ. ഷിംന അസീസ്. പിസി ജോര്ജ്ജിനെപ്പോലെ പാഷാണത്തില് കൃമികളെയൊക്കെ സമയം കളയാതെ പിടിച്ച് കെട്ടിയിട്ടില്ലയെങ്കില് സമൂഹത്തില് വെറുപ്പും വിദ്വേഷവും കൂടിക്കൂടി മനുഷ്യര് തമ്മില്ത്തല്ലി ചാവുന്നത് കാണാന് അധികകാലമൊന്നും വേണ്ടി വരില്ലെന്ന് ഷിംന അസീസ് ഫേസ്ബുക്കില് കുറിച്ചു. മുസ്ലിങ്ങളുടെ ഹോട്ടലില് ഒരു ഫില്ലര് വെച്ചിട്ടുണ്ടെന്നും അതിലൊരു തുള്ളി അവര് ചായയില് ഒഴിച്ചാല് സ്ത്രീകളും പുരുഷന്മാരും വന്ധ്യംകരിക്കപ്പെടുമെന്നും പിസി ജോര്ജ് പറഞ്ഞിരുന്നു. ഇതിനൊക്കെ എതിരെയാണ് ഷിംന അസീസ് രംഗത്തെത്തിയത്.
ഷിംന അസീസിന്റെ കുറിപ്പ്, മുസ്ലിങ്ങളുടെ ഹോട്ടലില് ഒരു ഫില്ലര് വെച്ചിട്ടുണ്ടെന്നും അതിലൊരു തുള്ളി അവര് ചായയില് ഒഴിച്ചാല് സ്ത്രീകളും പുരുഷന്മാരും വന്ധ്യംകരിക്കപ്പെടുമെന്നും പിസി ജോര്ജ്. എന്ത് മാത്രം വര്ഗീയവിഷമാണിയാള് വമിച്ച് കൊണ്ടിരിക്കുന്നത്!
പോരാത്തതിന് ലുലുമാള് മലപ്പുറത്ത് വരാത്തത് യൂസഫലിക്ക് ഹിന്ദുക്കളുടെയും ക്രിസ്ത്യാനികളുടെയും മാത്രം കാശ് പിടുങ്ങാനാണത്രേ. ഗള്ഫിലൊക്കെ മുക്കിന് മുക്കിന് ലുലു ഉള്ളതൊക്കെ ഏത് വകുപ്പിലാണാവോ…
സദസ്സ് ഇതൊക്കെ കേള്ക്കുകയും കൈയ്യടിക്കുകയും ചെയ്യുന്നുണ്ട്. ഇമ്മാതിരി പാഷാണത്തില് കൃമികളെയൊക്കെ സമയം കളയാതെ പിടിച്ച് കെട്ടിയിട്ടില്ലയെങ്കില് സമൂഹത്തില് വെറുപ്പും വിദ്വേഷവും കൂടിക്കൂടി മനുഷ്യര് തമ്മില്ത്തല്ലി ചാവുന്നത് കാണാന് അധികകാലമൊന്നും വേണ്ടി വരില്ല…!