മലയാളികളുടെ പ്രിയഗായികയാണ് സുജാത മോഹൻ. നൂറു കണക്കിനു ഗാനങ്ങളിലൂടെ ഇപ്പോഴും ആരാധകരുടെ മനസ്സിൽ ഒന്നാം നിരയിൽ തന്നെ തുടരുകയാണ് സുജാത. റിയാലിറ്റി ഷോയിൽ ജഡ്ജായൊക്കെയെത്തി പ്രേക്ഷകരുടെ ഹൃദയത്തിൽ സ്ഥാനം പിടിച്ചിരുന്നു. മനോഹരമായ നിറചിരിയോടെയെ സുജാതയെ എക്കാലവും പൊതു ചടങ്ങുകളിലും മറ്റും കാണാറുള്ളു. ഒപ്പം മികച്ച വസ്ത്രധാരണത്താലും സുജാത ശ്രദ്ധാ കേന്ദ്രമാകാറുണ്ട്.
സുജാതയുടെ ഭർത്താവ് കൃഷ്ണമോഹനും മകൾ ശ്വേതയും കൊച്ചുമകളുമെല്ലാം പ്രേക്ഷകർക്ക് പ്രീയപ്പെട്ടവർത്തന്നെ. സുജാതയുടെ ഭര്ത്താവ് മോഹന്റെ 70 പിറന്നാള് കഴിഞ്ഞ ദിവസം ഗംഭീരമായിട്ടാണ് കുടുംബം ആഘോഷിച്ചത്. പിറന്നാള് ദിനത്തില് ആശംസകള് അറിയിച്ച് ലൈവില് എത്തിയിരുന്നു സുജാത. കേക്ക് മുറിച്ച് പിറന്നാള് ആഘോഷിക്കുന്നതിന്റെ ചിത്രങ്ങള് ശ്വേത മോഹന് പങ്കുവച്ചിരുന്നു.
സുജാതയ്ക്ക് ഒപ്പം അമ്മ, മകളും ഗായികയുമായ ശ്വേത മോഹൻ, പിന്നെ മറ്റു കുടുംബാംഗങ്ങളും ഒപ്പമുണ്ട്.എന്റെ വീട്ടിലെ ഏറ്റവും ചെറിയ കുട്ടിയുടെ പിറന്നാൾ ആണ് എന്ന് പറഞ്ഞുകൊണ്ടാണ് മോഹന് നേർക്ക് ക്യാമറ സുജാത എത്തിച്ചത്. മോഹനുവേണ്ടി നിരവധിയാളുകളാണ് പിറന്നാള് ആശംസകള് നേര്ന്ന് രംഗത്തെത്തിയത്. എല്ലാവരുടെയും ആശംസകള്ക്കും പ്രാര്ത്ഥനകള്ക്കും താരം നന്ദിയും അറിയിച്ചിട്ടുണ്ട്.
1981ലാണ് ഡോ കൃഷ്ണമോഹനുമായി സുജാതയുടെ വിവാഹം നടക്കുന്നത്. വർഷങ്ങൾ ഇത്രയധികം കടന്നുപോയിട്ടുണ്ടെങ്കിലും ഇന്നും ഇവർക്കിടയിൽ പ്രണയമാണെന്ന് തെളിയിക്കുന്ന പല രംഗങ്ങൾക്കും ആരാധകർ സാക്ഷികൾ ആയിട്ടുണ്ട്.പന്ത്രണ്ടു വയസ്സ് മുതലാണ് സുജാത മലയാള സിനിമയില് പാടാന് തുടങ്ങിയത്.തമിഴ്, കന്നഡ, തെലുങ്ക് തുടങ്ങി നിരവധി ദക്ഷിണേന്ത്യന് ഭാഷകളില് സുജാത പാടിയിട്ടുണ്ട്. കേരള, തമിഴ്നാട് സര്ക്കാരുകളുടെ മികച്ച ചലച്ചിത്ര പിന്നണി ഗായികയ്ക്കുള്ള പുരസ്കാരം ഒന്നിലേറെ തവണ നേടിയിട്ടുണ്ട്.