പ്രധാനമന്ത്രി നരേന്ദ്ര മോദിക്ക് ഗുരുവായൂരിൽ ലഭിച്ചത് ഗംഭീര സ്വീകരണം. ഇന്ന് രാവിലെ ഗുരുവായൂർ ശ്രീകൃഷ്ണ കോളേജ് ഹെലിപാഡിലാണ് മോദി വന്നിറങ്ങിയത്. തനിക്ക് ലഭിച്ച ഊഷ്മള സ്വീകരണത്തിലും ഗുരുവായൂരപ്പന്റെ ദൈവീക ചൈതന്യത്തെയും നരേന്ദ്ര മോദി പ്രശംസിച്ചു. സ്ത്രീകളും കുട്ടികളും ഉൾപ്പെടെ നൂറു കണക്കിന് പേരാണ് അദ്ദേഹത്തെ സ്വീകരിക്കാനെത്തിയത്. ഗുരുവായൂരിലെത്തിയ പ്രധാനമന്ത്രിയുടെ ചിത്രങ്ങളും സമൂഹമാദ്ധ്യമങ്ങളിൽ പങ്കുവച്ചിട്ടുണ്ട്.
അതിരാവിലെയാണ് ഗുരുവായൂരിലെത്തിയതെങ്കിലും തന്നെ അനുഗ്രഹിക്കുന്നതിനായി വൻ ജനാവലിയാണ് അവിടെ എത്തിയത്. ഈ ഊഷ്മളത വിലമതിക്കുന്നു, ജനങ്ങൾക്ക് വേണ്ടി കൂടുതൽ കഠിനാധ്വാനം ചെയ്യാനുള്ള പ്രേരണയാണിതെന്നും പ്രധാനമന്ത്രി എക്സിൽ കുറിച്ചു
ഗുരുവായൂർ ക്ഷേത്രത്തിൽ ദർശനം നടത്തി പ്രാർത്ഥിക്കാൻ സാധിച്ചു. ഗുരുവായൂരപ്പന്റെ ചൈതന്യം വാക്കുകൾക്ക് അതീതമാണെന്നും പ്രധാനമന്ത്രി പറഞ്ഞു. ഓരോ ഭാരതീയനും സന്തോഷവും സമൃദ്ധിയും ലഭിക്കുന്നതിനായി പ്രാർത്ഥിച്ചുവെന്നും അദ്ദേഹം എക്സിൽ കുറിച്ചു.
