അവതാരകയായും നടിയായും തിളങ്ങുന്നതാരമാണ് പേളി മാണി. ിഗ് ബോസ് സീസണ് വണ്ണിലെ മത്സരാര്തഥിയായെത്തുകയും അവിടെ നിന്ന് ശ്രീനിഷിനെ പ്രണയിച്ചതും വിവാഹം കഴിച്ചതുമെല്ലാം വാര്ത്തകളില് ഇടം നേടിയിരുന്നു. ലോക്ക് ഡൗണ് ദിവസങ്ങള് ആഘോഷമാക്കുകയാണ് ഇപ്പോള് താരം. തന്റ വിശേഷങ്ങള് എല്ലാം തന്നെ ആരാധകരുമായി പങ്കുവെക്കുന്ന ഒരാളാണ് താരം. ഈ ലോക് ഡൗണ് കാലഘട്ടത്തിലും പല വീഡിയോകളുമായി താരം സമൂഹമാധ്യമങ്ങളില് ശ്രദ്ധേയമായിട്ടുണ്ട്. ഇപ്പോളിതാ അത്തരത്തിലുള്ള ഒരു വിഡിയോയാണ് വൈറലാകുന്നത്. അലക്സയ്ക്കും ദീപ്തിക്കുമൊപ്പമുള്ള മനോഹരനിമിഷമാണ് താരം പങ്കുവെച്ചിട്ടുള്ളത്.
‘ഹൗ മെനി കിലോമീറ്റേഴ്സ് ഫ്രം വാഷിങ്ടണ് ഡിസി ടു മിയാമി ബീച്ച്?’. മഴ പെയ്യുന്നു മദ്ദളം കൊട്ടുന്നു എന്ന സിനിമയിലെ ഈ ഡയലോഗ് പ്രശസ്തമാണ്. സിനിമയില് ശ്രീനിവാസന്റെ ഈ ചോദ്യവും കിലോമീറ്റേഴ്സ് ആന്ഡ് കിലോമീറ്റേഴ്സ് എന്ന മോഹന്ലാലിന്റെ ഉത്തരവുമെല്ലാം ഏറെ ചിരിപ്പിച്ചതാണ്.
ഇപ്പോഴിതാ ഈ ചോദ്യവുമായി മലയാളികളുടെ പ്രിയപ്പെട്ട പേളി മാണി. കൂട്ടുകാരി ദീപ്തിയോടാണ് പേളി ആദ്യം ഈ ചോദ്യം ചോദിക്കുന്നത്, ‘ദീപ്തി, ഹൗ മെനി കിലോമീറ്റേഴ്സ് ഫ്രം വാഷിങ്ടണ് ഡിസി ടു മിയാമി ബീച്ച്.’ ദീപ്തി കൈയിലെ വിരലൊക്കെ ചേര്ത്ത് എണ്ണാന് തുടങ്ങിയപ്പോഴേ പേളിക്ക് കാര്യം പിടികിട്ടി, ദീപ്തിക്ക് ഉത്തരം അറിയില്ല എന്ന്. ഉടന് പേളി അലക്സയോട് ഇതേ ചോദ്യം ചോദിച്ചു. വാഷിങ്ടണ് ഡിസിയുടേയും മിയാമി ബീച്ചിന്റേയും ചരിത്രവും ഭൂമി ശാസ്ത്രവും വരെ അലക്സ പറഞ്ഞു. പിന്നെ പേളിയും കൂട്ടുകാരികളും ഇരുന്നൊരൊറ്റ? ചിരിയായിരുന്നു. ഇടയ്ക്കിടെ ഇത്തരം രസകരമായ വീഡിയോകളുമായി പേളി പ്രത്യക്ഷപ്പെടാറുണ്ട്.