തിരുവനന്തപുരം: ഇന്ധനവില വര്‍ദ്ധവില്‍ രാജ്യത്ത് പ്രതിഷേധം നടക്കുന്നതിനിടെ ഇന്ന് വീണ്ടും പെട്രോളിന് വില കൂടി. ഇന്ന് ഒരു ലിറ്റര്‍ പെട്രോളിന് 35 പൈസയാണ് വര്‍ദ്ധിച്ചത്. ഇതോടെ കേരളത്തിലെ മിക്ക ജില്ലകളിലെയും പെട്രോള്‍ വില 100 കടന്നു. തിരുവനന്തപുരത്ത് പെട്രോള്‍ വില 101.91 രൂപയായി. കൊച്ചിയില്‍ പെട്രോള്‍ വില 100.6 രൂപയായി. കോഴിക്കോട് 101.66 രൂപയായി.
അതേസമയം, ഡീസല്‍ വിലയില്‍ ഇന്ന് മാറ്റമില്ല, അന്താരാഷ്ട്ര വിലയില്‍ ക്രൂഡ് ഓയിലിന്റെ വില ഉയരുന്ന സാഹചര്യത്തില്‍ വരും ദിവസങ്ങളില്‍ വില ഉയരാനാണ് സാധ്യതയുണ്ട്. തുടര്‍ച്ചയായ ഇന്ധനവില വര്‍ദ്ധനവിനെതിരെ രാജ്യത്ത് വലിയ പ്രതിഷേധമാണ് ഉയരുന്നത്. കേരളം അടക്കമുള്ള സംസ്ഥാനങ്ങളില്‍ നടന്ന നിയമസഭ തിരഞ്ഞെടുപ്പിന് ശേഷമാണ് രാജ്യത്ത് ഇന്ധന വില തുടര്‍ച്ചയായ ദിവസങ്ങളില്‍ വര്‍ദ്ധിക്കാന്‍ ആരംഭിച്ചത്.
