തിരുവനന്തപുരം: വിമാനത്തിന്റെ സീറ്റിനടിയിൽ കുഴമ്പ് രൂപത്തിൽ സ്വർണം ഒളിപ്പിച്ചത് കണ്ടെത്തി. വേർതിരിച്ചെടുത്തപ്പോൾ 965.09 ഗ്രാം സ്വർണം ലഭിച്ചു.
ഞായറാഴ്ച രാവിലെ 10.30ന് ഷാർജയിൽനിന്ന് തിരുവനന്തപുരത്തെത്തിയ ഇൻഡിഗോ വിമാനത്തിന്റെ സീറ്റിനടിയിൽനിന്നാണ് ഇത് കിട്ടിയതെന്ന് കസ്റ്റംസ് അധികൃതർ അറിയിച്ചു. ഇതിന് 57.5 ലക്ഷം വിപണി വിലയുണ്ട്.
യാത്രക്കാരനെ തിരിച്ചറിഞ്ഞിട്ടില്ലെന്നാണ് അധികൃതർ പറയുന്നത്. കസ്റ്റംസിന്റെ എയർ ഇന്റലിജൻസ് അസി. കമീഷണർ എ.എം. നന്ദകുമാർ, സൂപ്രണ്ടുമാരായ സനവേ തോമസ്, വീരേന്ദ്രകുമാർ, ഗീത സന്തോഷ്, ഇൻസ്പെക്ടർമാരായ ടൈറ്റിൽ മാത്യു, ഹെഡ് ഹവിൽദാർമാരായ ബാബുരാജ്, പ്രസന്നകുമാർ എന്നിവരുടെ നേതൃത്വത്തിലായിരുന്നു പരിശോധന.
