തിരുവനന്തപുരം. ലോക്‌സഭാ തിരഞ്ഞെടുപ്പിനുള്ള നാമനിര്‍ദേശ പത്രിക സമര്‍പ്പിക്കുന്നതിനുള്ള ആദ്യ ദിവസം തന്നെ കൊല്ലത്തെ എല്‍ഡിഎഫ് സ്ഥാനാര്‍ഥി എം മുകേഷ് പത്രിക നല്‍കി. മുകേഷിന് 14.98 കോടിയുടെ സ്വത്താണുള്ളത്. 2021 നിയമസഭാ തിരഞ്ഞെടുപ്പില്‍ മത്സരിക്കുമ്പോള്‍ 10.22 കോടിയുടെ സ്വത്തുക്കളുണ്ടെന്നാണ് രേഖപ്പെടുത്തിയിരുന്നത്.
നിലവില്‍ മുകേഷിന്റെ കൈവശം 50000 രൂപയും വിവിധ ബാങ്കുകളിലും സബ് ട്രഷറിയിലും സ്ഥിര നിക്ഷേപവും ഓഹരികളും താമസിക്കുന്ന വീടും ചെന്നൈയിലെ രണ്ട് ഫ്‌ലാറ്റുകളുടെ മൂല്യവും കണക്കാക്കിയാണ് 14 കോടിയുടെ സ്വത്തുക്കള്‍.
240000 സ്വര്‍ണവും എറണാകുളം കണയന്നൂരിലെ ഭൂമി ശ്രീനിവാസനൊപ്പം ചേര്‍ന്നാണ് വാങ്ങിയത്. തമിഴ്‌നാട്ടിലെ മഹാബലിപുരം, തോന്നയ്ക്കല്‍, ശക്തികുളങ്ങര, പോത്തന്‍കോട് എന്നിവിടങ്ങളിലും സ്ഥലമുണ്ട്. സ്വന്തമായി രണ്ട് കാറുകളും ഉണ്ട്. അതേസമയം വിവിധ മണ്ഡലങ്ങളിലായി 14 പേര്‍ പത്രിക സമര്‍പ്പിച്ചു.
