ഒരു വർഷം മുമ്പ് വരെ മുതലമട പഞ്ചായത്തിലെ അട്ടയാംപടി സ്വദേശി ഹക്കീം ഹസീന ദമ്പതികളുടെ വീട് കളിചിരികളുടേതായിരുന്നു. മകനോടൊപ്പം ദാരിദ്ര്യത്തിലാണെങ്കിലും സന്തോഷത്തോടെ ജീവിച്ച ഹക്കീമിന്റെ മകന് നാല് മാസം പ്രായമായപ്പോഴാണ് കരൾ രോഗം പിടിപെടുന്നത്. കളിചിരികൾ നിറഞ്ഞ വീട് പെട്ടന്ന് സങ്കടക്കടലായി. മകന്റെ വേദനകൊണ്ടുള്ള കരച്ചിലിൽ എന്ത് ചെയ്യണമെന്നറിയാതെ പകച്ചുനിൽക്കുകയാണ് മാതാപിതാക്കൾ. ഒന്നര വയസ്സുകാരനായ മകന് ഹാറൂണിന് കരൾ രോഗമാണെന്ന് ഡോക്ടർമാർ പറഞ്ഞപ്പോൾ ഹക്കീമിനും ഭാര്യക്കും ചങ്കുപൊട്ടിപ്പോയി.
തൃശൂർ മെഡിക്കൽ കോളജിൽ വച്ച് ശസ്ത്രക്രിയയിലൂടെ പിത്തവാഹിനി കുഴൽ ഘടിപ്പിക്കാൻ ശ്രമിച്ചതാണ് പക്ഷേ അത് പരാജയപ്പെട്ടു. ഇപ്പോൾ അവസാന ശ്രമമെന്നോണം ഡോക്ടർമാർ പറയുന്നത് കരൾ മാറ്റ ശസ്ത്രക്രിയയാണ്. 36 ലക്ഷം രൂപയാണ് അതിന് ചിലവ് വരിക. ഒരു ചെറിയ കുടിലിൽ താമസിക്കുന്ന ഇവർക്ക് മകന്റെ ചികിത്സക്കായുള്ള ഭീമമായ തുക കണ്ടെത്താൻ സാധിക്കില്ല അതിനാൽ മകന്റെ ജീവൻ രക്ഷിക്കാൻ സുമനസ്സുകളുടെ സഹായം തേടുകയാണ് ദമ്പതികൾ.
ഹാറൂണിന്റെ അവസ്ഥ വ്യക്തമാക്കി ഭാഗീരഥി സോഷ്യൽ മീഡിയയിൽ പങ്കുവച്ച കുറിപ്പ്;
പാലക്കാട് മുതലമട പഞ്ചായത്തിൽ താമസിക്കുന്ന ആട്ടയാംപതി സ്വദേശികളായ ഹക്കീം ഹസീന ദമ്പതികളുടെ ഒന്നരവയസുള്ള ഹാറൂൺ, കരൾ രോഗം ബാധിച്ചു തൃശൂർ മെഡിക്കൽ കോളേജിൽ ചികിത്സയിലാണ്. കരൾ മാറ്റിവെക്കൽ ശസ്ത്രക്രിയയാണ് ഡോക്ടർമാർ അടിയന്തിരമായി നിർദ്ദേശിച്ചിരിക്കുന്നത്. ഏകദേശം 4മാസം പ്രായം ഉള്ളപ്പോൾ തന്നെ രോഗലക്ഷണം കണ്ടുതുടങ്ങി. ഈ തൊട്ടടുത്ത ദിവസങ്ങളിൽ രക്തം ഛർദിക്കുകയും അടിയന്തിരമായി മെഡിക്കൽ കോളേജിലേക്ക് കൊണ്ടുപോവുകയും ചെയ്തു. തുടർന്നു അവിടെയുള്ള ഡോക്ടർ തരകൻ സർ എത്രയും പെട്ടന്ന് സർജറി ആവശ്യമാണെന്ന് പറഞ്ഞു. ശേഷം ഹാറൂണിന്റെ മെഡിക്കൽ റിപ്പോർട്ടുമായി എറണാകുളം അമൃത ഹോസ്പിറ്റലിലേക് പോവുകയും അവിടത്തെ ഡോക്ടർ സുധീന്ദ്രൻ സാറുമായി ഹാറൂണിന്റെ തുടർചികിത്സ കാര്യങ്ങൾ സംസാരിച്ചപ്പോൾ സർജറിക്കും, ചികിത്സ തുടങ്ങുന്നതിനുമുമ്പുള്ള പ്രാഥമിക ടെസ്റ്റിനും സർജറിക്ക് ശേഷമുള്ള ചികിത്സക്കുമായി ഏകദേശം 36ലക്ഷം രൂപയോളം കാണേണ്ടതുണ്ട്.സർജറി പോലെ തന്നെ സർജറിക്ക് ശേഷമുള്ള ഓരോദിവസവും ഹാറൂണിന്റെ പരിചരണവും ഏറെ നിർണായകമാണ്.
ഒരോ മാസത്തെ മരുന്നിന്റെ ചിലവും തുടർ പരിശോധനകളും എല്ലാം തന്നെ ശസ്ത്രക്രിയയുടെ വിജയത്തിന് അനിവാര്യമാണ്. ശസ്ത്രക്രിയ കഴിഞ്ഞുള്ള ഒരോ ഘട്ടവും വളരെ യേറെ ശ്രദ്ധയോടെ മുന്നോട്ടു പോകേണ്ടതാണ്. തുടർന്നുള്ള ചികിത്സക്കായി എല്ലാവരുടെയും സഹായം അഭ്യർത്ഥിക്കുന്നു. നിങ്ങളാൽ കഴിയും വിധം സഹായിക്കുക.മുതലമട സൗത്ത് ഇന്ത്യൻ ബാങ്കിൽ അക്കൗണ്ട് ആരംഭിച്ചിട്ടുണ്ട്.. Accound Number 0100053000013895, IFSC Code SIBL0000100, തുടർന്നുള്ള വിവരങ്ങൾക്കായി താഴെ പറയുന്ന നമ്പറുകളിൽ ബന്ധപെടുക.
Hakkeem 9562867779, Mumthas 9400126220(വികസന കാര്യ സ്റ്റാന്റിംഗ് കമ്മിറ്റി ചെയർപേഴ്സൺ, മുതലമട പഞ്ചായത്ത്‌ ) A സാദിഖ് 9447431145(ചെയർമാൻ )
