മലയാളികള്ക്ക് ഏറെ പ്രിയങ്കരിയായ നടിയാണ് ഗായത്രി സുരേഷ്.പ്രണവ് മോഹന്ലാലിനെ വിവാഹം കഴിക്കാന് ആഗ്രഹമുണ്ടെന്ന് പറഞ്ഞത് ഗായത്രിയെ സോഷ്യല് മീഡിയയിലെ ചര്ച്ചാ വിഷയമാക്കി മാറ്റിയിരുന്നു. കുഞ്ചാക്കോ ബോബന് നായകനായ ജമ്നാപ്യാരി എന്ന സിനിമയിലൂടെയായിരുന്നു ഗായത്രിയുടെ അരങ്ങേറ്റം.
താരത്തിനെതിരെ സോഷ്യല് മീഡിയയില് നിരവധി ട്രോളുകള് വന്നിരുന്നു. പിന്നാലെ ട്രോളുകള് നിരോധിക്കണമെന്ന് മുഖ്യമന്ത്രി പിണറായി വിജയനോട് ലൈവ് വീഡിയോയിലൂടെ ഗായത്രി അഭ്യര്ത്ഥിച്ചിരുന്നു. ഇതിനും താരത്തിന് ട്രോളുകള് ഏറ്റുവാങ്ങേണ്ടി വരികയായിരുന്നു. എന്നാല് തനിക്കെതിരെയുള്ള ട്രോളുകളില് തളരാതെ മുന്നോട്ട് പോവുകയാണ് ഗായത്രി സുരേഷ്. തന്റെ ആദ്യ സിനിമയെക്കുറിച്ചും കുഞ്ചാക്കോ ബോബനെക്കുറിച്ചുമുള്ള ഗായത്രിയുടെ വാക്കുകളാണ് ഇപ്പോള് വൈറലാകുന്നത്.
ചാക്കോച്ചനോട് പ്രണയം തോന്നിയിരുന്നുവോ എന്ന് ചോദിച്ചപ്പോള് അത് തോന്നാത്തവരായി ആരുണ്ടെന്നായിരുന്നു ഗായത്രിയുടെ മറുപടി. ചാക്കോച്ചനോട് പ്രണയം തോന്നാത്ത പെണ്കുട്ടികളോ, അതെന്ത് ചോദ്യമാണ്, എല്ലാവര്ക്കും തോന്നിയിട്ടുണ്ടാകും. നേരിട്ട് കണ്ടപ്പോള് ബഹുമാനമായത് മാറി. നല്ലൊരു വ്യക്തിയാണ് അദ്ദേഹം. വളരെ ഡീസന്റാണെന്നും ഗായത്രി സുരേഷ് പറഞ്ഞു.
ടേക്കുകള് കുറവായിരുന്നു. ആദ്യത്തെ സിനിമ ആയത് കൊണ്ട് പേടി കുറവായിരുന്നു. പിന്നെയാണല്ലോ പൊസിഷന് ശരിയാക്കണം എന്നൊക്കെ പഠിക്കുന്നത്. ചാക്കോച്ചന് ആണ് സിനിമയിലേക്ക് വിളിക്കുന്നത്. ഹലോ ഞാന് കുഞ്ചാക്കോ ബോബന് ആണെന്ന് പറഞ്ഞു. ഞാന് ഹലോ സാര് എന്ന് പറഞ്ഞപ്പോള് സാര് എന്ന് വിളിക്കണ്ട എന്ന് പറഞ്ഞു. ഇങ്ങനൊരു സിനിമയുണ്ടെന്നും എല്ലാ ഫാക്ടറും ഒത്തുവന്നാല് നമുക്ക് ചെയ്യാമെന്നും പറഞ്ഞു. ഉച്ചയ്ക്ക് എഴുത്തുകാരനും സംവിധായകനും കഥ പറയാന് വരും. പിന്നെ നിര്മ്മാതാവ് വരുമെന്നും പറഞ്ഞു. അമ്മയെയാണ് ആദ്യം വിളിച്ച് പറഞ്ഞതെന്നാണ് ഗായത്രി പറയുന്നത്. ഒരുപാട് സന്തോഷം തോന്നി. എന്റെ സ്വപ്നം നിറവേറ്റാനായി. നിറമൊക്കെ കണ്ട് ചാക്കോച്ചനെ ഭയങ്കര ഇഷ്ടമായിരുന്നുവെന്നും ഗായത്രി.