ന്യൂഡല്ഹി/ രാജ്യത്തിന്റെ പതിനഞ്ചാമത് രാഷ്ട്രപതിയായി തെരഞ്ഞെടുത്ത ദ്രൗപതി മുര്മുവിനെ അഭിനന്ദിച്ച് പ്രധാനമന്ത്രി നരേന്ദ്ര മോദി. ഇന്ത്യ ചരിത്രം രചിച്ചെന്ന് അദ്ദേഹം ട്വിറ്ററില് കുറിക്കുകയുണ്ടായി.
‘സ്വാതന്ത്ര്യത്തിന്റെ അമൃത മഹോത്സവത്തില് കിഴക്കന് ഇന്ത്യയുടെ വിദൂര ഭാഗത്തെ ആദിവാസി വിഭാഗത്തില് നിന്ന വളര്ന്നുവന്ന ഇന്ത്യയുടെ മകളെ 130കോടി ജനങ്ങള് രാഷ്ട്രപതിയാക്കിയി രിക്കുന്നു. ഈ ചുവടുവയ്പ്പില് ദ്രൗപതി മുര്മുവിന് അഭിനന്ദങ്ങള്’- പ്രധാനമന്ത്രി പറഞ്ഞു.
‘ദ്രൗപതി മുര്മുവിന്റെ ജീവിതം, ആദ്യകാല പോരാട്ടങ്ങള്, സമ്പന്നമായ സേവനം, മാതൃകാപരമായ വിജയം എന്നിവ ഓരോ ഇന്ത്യക്കാരേയും പ്രചോദനാമാകുന്നു. രാജ്യത്തെ പൗരന്മാര്ക്ക്, പ്രത്യേകിച്ച് ദരിദ്രര്ക്കും പാര്ശ്വവല്ക്കരിക്കപ്പെട്ടവര്ക്കും താഴെത്തട്ടിലുള്ളവര്ക്കും പ്രത്യാശയുടെ കിരണമായി അവര് ഉയര്ന്നുവന്നിരി ക്കുന്നു’- പ്രധാനമന്ത്രി മോദി കുറിച്ചു. രാഷ്ട്രീയ ഭേദമില്ലാതെ ദ്രൗപതി മുര്മുവിന് വോട്ട് ചെയ്ത എംപിമാര്ക്കും എംഎല്എമാര്ക്കും മോദി നന്ദി അറിയിച്ചു.