തിരുവനന്തപുരം. മാസപ്പടി വിവാദവുമായി ബന്ധപ്പെട്ട ചോദ്യത്തില്‍ രൂക്ഷമായി പ്രതികരിച്ച് മുഖ്യമന്ത്രി പിണറായി വിജയന്‍. മകള്‍ വീണ വിജയന്റെ കമ്പനിക്കെതിരെ എസ്എഫ്‌ഐഒ നടത്തുന്ന അന്വേഷണത്തിനെ കുറിച്ചുള്ള ചോദ്യത്തോടാണ് പിണറായി വിജയന്റെ പ്രതികരണം. തനിക്ക് പറയാനുള്ളത് പറഞ്ഞെന്നും ചോദിച്ച വ്യക്തിക്ക് കേള്‍വിക്കുറവുണ്ടോ എന്നും പിണറായി വിജയന്‍ ചോദിച്ചു.
അന്വേഷണം നടക്കട്ടെ. വിവരങ്ങള്‍ പുറത്തുവരട്ടെ. വിവരങ്ങള്‍ പുറത്ത് വരുമ്പോള്‍ മനസ്സിലാകുമെല്ലോ. താന്‍ പറയേണ്ടത് പറഞ്ഞു. നിങ്ങള്‍ കേട്ടില്ലെ. കേള്‍വിക്ക് എന്തെങ്കിലും തകരാറുണ്ടോ. ഇപ്പോ തനിക്ക് അതാണ് പറയാനുള്ളതെന്നും പിണറായി വിജയന്‍.
സിഎംആര്‍എല്ലില്‍ നിന്ന് ഇല്ലാത്ത സേവനത്തിന് പണം വാങ്ങിയതിന്റെ പേരില്‍ താങ്കളുടെ മകളുടെ കമ്പനിയുടെ പേരില്‍ എസ്എഫ്‌ഐഒയുടെ അന്വേഷണം നടക്കുന്നു എന്ന് ചൂണ്ടിക്കാട്ടിയപ്പോഴാണ് പിണറായി വിജയന്‍ രൂക്ഷമായി പ്രതികരിച്ചത്.
