തെന്നിന്ത്യന് സിനിമയിലെ സൂപ്പര് താരമാണ് മഹേഷ് ബാബു. ഇപ്പോഴിതാ നടന്റെ സഹോദരന് നരേഷ് ബാബുവിന്റെ വിവാഹ വാര്ത്തയാണ് പുറത്തെത്തുന്നത്. നരേഷ് ബാബു അദ്ദേഹത്തിന്റെ കാമുകി പവിത്ര ലോകേഷും വിവാഹിതര് ആയേക്കും എന്നാണ് വിവരം. ഇരുവരും കുറച്ച് കാലമായി പ്രണയത്തിലാണെന്നും ഇവര് വിവാഹിതര് ആകാന് ഒരുങ്ങുകയാണെന്നും ആണ് പുറത്തെത്തുന്ന വിവരം. ഇരുവരും വാര്ത്ത നിഷേധിച്ചെങ്കിലും ഒരു മാധ്യമം പുറത്ത് വിട്ട റിപ്പോര്ട്ടില് പറയുന്നതങ്ങനെയല്ല.
നരേഷ് ബാബു നാലാം തവണയും വിവാഹിതനാവാന് ഒരുങ്ങുകയാണെന്നാണ് റിപ്പോര്ട്ട്. നേരത്തെ മൂന്ന് തവണ വിവാഹിതനായെങ്കിലും നരേഷിന്റെ കുടുംബ ജീവിതം അത്ര വിജയകരമായിരുന്നില്ല. മുന്ഭാര്യമാരുമായി പൊരുത്തപ്പെടാനാകാത്ത പ്രശ്നങ്ങള് വന്നതോടെ അവരെല്ലാവരുമായിട്ടും താരം വേര്പിരിഞ്ഞു. ഇപ്പോള് ഭാര്യയില്ലാതെ ജീവിക്കുകയാണ് നരേഷ്. ഇതിനിടെയാണ് കന്നട നടിയായ പവിത്ര ലോകേഷുമായി നരേഷ് പ്രണയത്തിലെന്ന വിവരം പുറത്തെത്തിയത്.
വിവാഹിതയായ പവിത്ര ഭര്ത്താവായ സുചേന്ദ്ര പ്രസാദില് നിന്നും വേര്പിരിഞ്ഞ് കഴിയുകയാണ്. എന്നാല് ഇതുവരെ നടി വിവാഹമോചനം നേടിയിട്ടില്ല. 2007ലായിരുന്നു പവിത്രയുടെ വിവാഹം. നിയമപരമായി ബന്ധം വേര്പെടുത്താത് കൊണ്ട നരേഷിനെ വിവാഹം കഴിക്കണമെങ്കില് പവിത്രയ്ക്ക് തടസ്സങ്ങള് നേരിട്ടേക്കാം.
എന്നാല് നരേഷ് ബാബുവും പവിത്ര ലോകേഷും ഇപ്പോള് ലിവ്-ഇന് റിലേഷനില് ആണെന്നും ചില റിപ്പോര്ട്ടുകള് സൂചിപ്പിക്കുന്നു. ഇത് ആദ്യമായിട്ടല്ല പവിത്രയുടെയും നരേഷിന്റെയും വിവാഹ വാര്ത്ത പുറത്ത് വരുന്നത്. മാസങ്ങള്ക്ക് മുന്പും സമാനമായ രീതിയില് വാര്ത്തകള് പ്രചരിച്ചിരുന്നു. പുതിയ വിവരം പ്രകാരം പവിത്രയും നരേഷും മഹാബലേശ്വറി എന്ന പ്രശസ്ത ക്ഷേത്രത്തില് ദര്ശനം നടത്തിയിരുന്നു. അത് വിവാഹത്തിന് മുന്നൊരുക്കത്തിന്റെ ഭാഗമാണെന്ന അഭ്യൂഹത്തിനും കാരണമായി.