സൂറത്ത്: മോദി എന്ന പേരിനെ അപമാനിച്ച് സംസാരിച്ചതിന് ഗുജറാത്ത് എം എല് എ ജര്ണേഷ് മോദി സമര്പ്പിച്ച മാനനഷ്ടകേസില് തന്റെ മൊഴി നല്കുന്നതിനു വേണ്ടി കോണ്ഗ്രസ് നേതാവ് രാഹുല് ഗാന്ധി ഗുജറാത്ത് കോടതിയില് ഹാജരായി. 2019 ലെ ലോക്സഭാ ഇലക്ഷന് പ്രചാരണത്തിനിടെ കര്ണാടകയില് വച്ച് നടന്ന ഒരു പൊതുയോഗത്തില് എല്ലാ കള്ളന്മാര്ക്കും മോദി എന്ന പേര് എങ്ങനെ വന്നു എന്ന് രാഹുല് ഗാന്ധി ചോദിച്ചിരുന്നു.
ഇതിനെ തുടര്ന്ന് സൂറത്ത് എം എല് എ പര്ണേഷ് മോദി മാനനഷ്ടകേസ് ഫയല് ചെയ്യുകയായിരുന്നു. “നീരവ് മോദി, ലളിത് മോദി, നരേന്ദ്ര മോദി… എങ്ങനെയാണ് ഇവര്ക്കെല്ലാം മോദി എന്ന പേര് കിട്ടിയത്. എല്ലാ കളളന്മാര്ക്കും എങ്ങനെയാണ് മോദി എന്ന പേര് കിട്ടുന്നത്,” രാഹുല് അന്ന് പൊതുയോഗത്തില് ചോദിച്ചിരുന്നു.
കോടതിയില് മൊഴി കൊടുത്ത് തൊട്ടു പിറകേ നിലനില്പ്പിനുള്ള രഹസ്യം ഭയം ഇല്ലാതിരിക്കുകയാണെന്ന് രാഹുല് ട്വീറ്റ് ചെയ്തു. ഇത് രണ്ടാമത്തെ തവണയാണ് രാഹുല് ഇതേ കേസിനു വേണ്ടി കോടതിയില് ഹാജരാകുന്നത്. 2019ല് കേസ് ഫയലില് സ്വീകരിച്ചപ്പോള് താന് നിരപരാധിയാണെന്ന് കോടതി മുമ്ബാകെ രാഹുല് മൊഴി നല്കിയിരുന്നു.