സംസ്ഥാനത്ത് ഇന്ന് 82 പേര്‍ക്ക് കോവിഡ് 19 സ്ഥിരീകരിച്ചു. വയനാട് ഒഴികെ സംസ്ഥാനത്തെ എല്ലാ ജില്ലകളിലും ഇന്ന് കോവിഡ് സ്ഥിരീകരിച്ചു. അഞ്ച് ആരോഗ്യപ്രവര്‍ത്തകര്‍ക്കും കോവിഡ് സ്ഥിരീകരിച്ചു.
തിരുവനന്തപുരത്ത് 14 പേര്‍ക്കും മലപ്പുറത്ത് 11 പേര്‍ക്കും ഇടുക്കിയില്‍ ഒന്‍പത് പേര്‍ക്കും കോട്ടയത്ത് എട്ട് പേര്‍ക്കും ആലപ്പുഴ, കോഴിക്കോട് ജില്ലകളില്‍ ഏഴ് പേര്‍ക്ക് വീതവും പാലക്കാട്, കൊല്ലം, എറണാകുളം ജില്ലകളില്‍ അഞ്ച് പേര്‍ക്ക് വീതവും തൃശൂരില്‍ നാല് പേര്‍ക്കും കാസര്‍ഗോട്ട് മൂന്ന് പേര്‍ക്കും കണ്ണൂര്‍, പത്തനംതിട്ട ജില്ലകളില്‍ രണ്ട് പേര്‍ക്കു വീതവുമാണ് ഇന്ന് കോവിഡ് സ്ഥിരീകരിച്ചത്.
അതേസമയം രോഗം സ്ഥിരീകരിച്ച്‌ ചികിത്സയിലായിരുന്ന 24 പേരുടെ പരിശോധനാഫലം നെഗറ്റീവായി. തിരുവനന്തപുരം ആറ്, കൊല്ലം രണ്ട്, കോട്ടയം മൂന്ന്, തൃശൂര്‍ ഒന്ന്, കോഴിക്കോട് അഞ്ച്, കണ്ണൂര്‍ രണ്ട്, കാസര്‍ഗോഡ് നാല്, ആലപ്പുഴ ഒന്ന് എന്നിങ്ങനെയാണ് കോവിഡ് മുക്തരായവരുടെ ജില്ല തിരിച്ചുള്ള കണക്കുകള്‍. ഇതോടെ 832 പേരാണ് രോഗം സ്ഥിരീകരിച്ച്‌ ഇനി ചികിത്സയിലുള്ളത്.
