കൊച്ചി: സിഎജി റിപ്പോര്ട്ട് ഞെട്ടിക്കുന്നത്, പിണറായി വിജയന് സര്ക്കാര് അഴിമതിയില് മുങ്ങിക്കുളിച്ചിരിക്കുകയാണെന്ന് പ്രതിപക്ഷ നേതാവ് വിഡി സതീശന്. സംസ്ഥാനത്തെ 26 ആശുപത്രകളിൽ കാലാവധി കഴിഞ്ഞ മരുന്നുകൾ വിതരണം ചെയ്ത് രോഗികള്ക്ക് ജീവഹാനി വരുത്തുന്ന രീതിയില് പണം തട്ടിയെടുത്തു. 483 ആശുപത്രികളിലേക്ക് നിലവാരം ഇല്ലാത്തതിനാല് വിതരണം മരവിപ്പിച്ച മരുന്നുകളും 148 ആശുപത്രികളിലേക്ക് വിതരണം നിര്ത്തിവയ്ക്കാന് ഉത്തരവിട്ട മരുന്നുകളുമാണ് വിതരണം ചെയ്തത്.
കാലാവധി പൂര്ത്തിയാക്കാനായ മരുന്നുകള് സമയം കഴിഞ്ഞാല് കമ്പനികള്ക്ക് വില്ക്കാനാവില്ല. ആ മരുന്നുകള് മാര്ക്കറ്റ് വിലയുടെ പത്ത് ശതമാനം നല്കി വാങ്ങി വില്ക്കുകയാണ് മെഡിക്കല് സര്വീസ് കോര്പ്പറേഷന് ചെയ്തത്. ബാക്കി 90 ശതമാനം അഴിമതിയാണെന്നും സതീശന് പറഞ്ഞു.
46 മരുന്നുകള്ക്ക് ഒരു ഗുണനിലവാരവും പരിശോധിച്ചില്ല. മെഡിക്കല് സര്വീസസ് കോര്പ്പറേഷനില് കോടികണക്കിന് രൂപയുടെ അഴിമതിയാണ് നടത്തിയിരിക്കുന്നത്.ഏത് ചാത്തന് മരുന്നും നല്കുന്ന രീതിയാണ് ഇവിടെ ഉണ്ടായതെന്നും സതീശന് പറഞ്ഞു.