ന്യൂ ഡല്ഹി: കോവിഷീല്ഡ് വാക്സിന്റെ ഒന്പത് മുതല് 10 കോടി ഡോസുകള്വരെ ജൂണില് ഉത്പാദിപ്പിച്ച് വിതരണം ചെയ്യാന് കഴിയുമെന്ന് സിറം ഇന്സ്റ്റിറ്റ്യൂട്ട് ഓഫ് ഇന്ത്യ സര്ക്കാരിനെ അറിയിച്ചു. കേന്ദ്ര ആഭ്യന്തര മന്ത്രി അമിത് ഷായ്ക്ക് അയച്ച കത്തിലാണ് ഇക്കാര്യം അറിയിച്ചത്. വിവിധ സംസ്ഥാനങ്ങള് വാക്സിന് ക്ഷാമം സംബന്ധിച്ച പരാതി ഉന്നയിക്കുന്നതിനിടെയാണ് തീരുമാനം. രാജ്യത്ത് പ്രതിദിന കോവിഡ് കേസുകള് ഉയരുന്ന സാഹചര്യത്തില് ജീവനക്കാര് ദിവസം മുഴുവനും ജോലി ചെയ്യുകയാണെന്ന് കമ്ബനി കത്തില് പറയുന്നു.
കോവിഷീല്ഡ് വാക്സിന്റെ ഉത്പാദനം വര്ധിപ്പിക്കുമെന്ന് മെയ് മാസത്തില് സിറം ഇന്സ്റ്റിറ്റ്യൂട്ട് സര്ക്കാരിനെ അറിയിച്ചിരുന്നു.വാക്സിന് ഉത്പാദനം ജൂണില് 6.5 കോടി ഡോസായി വര്ധിപ്പിക്കുമെന്നും ജൂലായില് ഏഴ് കോടി ആക്കുമെന്നും ഓഗസ്റ്റ് സെപ്റ്റംബര് മാസങ്ങളില് ഉത്പാദനം 10 കോടി ആക്കുമെന്നുമാണ് അന്ന് കമ്ബനി വ്യക്തമാക്കിയിരുന്നത്.
വാക്സിന് വിഷയത്തില് ഇന്ത്യയെ സ്വയം പര്യാപ്തമാക്കാനുള്ള ശ്രമങ്ങള്ക്ക് പിന്തുണ നല്കിയതിന് അദ്ദേഹം അമിത് ഷായ്ക്ക് നന്ദി പറഞ്ഞു.