തിരുവനന്തപുരം: വരുന്ന തെരഞ്ഞെടുപ്പോടെ മോദി ഭരണത്തിന്റെ അന്ത്യമായിരിക്കുമെന്ന് മുതിര്ന്ന കോണ്ഗ്രസ് നേതാവ് എ.കെ.ആന്റണി. പൗരത്വഭേദഗതി ഇന്ത്യാ മുന്നണി അധികാരത്തിലെത്തിയാല് പിന്വലിക്കുമെന്നും അദ്ദേഹം പറഞ്ഞു. ഇനിയും ബിജെപി അധികാരത്തിൽ വന്നാൽ എന്തൊക്കെ സംഭവിക്കുമെന്ന് ആലോചിക്കണമെന്നും ആന്റണി കൂട്ടിച്ചേർത്തു.
ഇന്ത്യയെന്ന ആശയം നിലനില്ക്കണോയെന്ന് ജനങ്ങൾ തീരുമാനിക്കുന്ന തിരഞ്ഞെടുപ്പാണ് നടക്കാൻ പോകുന്നത് . ഭരണഘടനയും മൗലികാവകാശങ്ങളും കാറ്റില്പ്പറത്താന് ശ്രമിക്കുന്ന നരേന്ദ്രമോദി നേതൃത്വം നല്കുന്ന ബിജെപി സര്ക്കാര് വീണ്ടും അധികാരത്തില് വരാതിരിക്കാന്വേണ്ടി എന്തൊക്കെ ചെയ്യാന് സാധിക്കുമോ, അതൊക്കെ ചെയ്യാന് എന്റെ ആരോഗ്യം അനുവദിക്കുമെങ്കില് ഞാന് തയ്യാറാവും. മതത്തിന്റെ പേരിലുള്ള പൗരത്വത്തെ എതിര്ക്കാന് കോണ്ഗ്രസ് ഏതറ്റംവരേയും പോകും’, ആന്റണി വ്യക്തമാക്കി.
പൗരത്വ സംബന്ധിയായി നിയമഭേദഗതികളുണ്ടായിട്ടുണ്ട്, ഒരിക്കലും മതം അടിസ്ഥാനമാക്കിയിട്ടില്ല. പൗരത്വ നിയമഭേദഗതി വരാനിരിക്കുന്ന ആപത്തുകളുടെ തുടക്കം.
പത്തനംതിട്ടയിൽ പ്രചാരണം നടത്തുന്നത് ആരോഗ്യസ്ഥിതി നോക്കിയെന്ന് എ.കെ.ആന്റണി. ഇത് ഡു ഓർ ഡൈ തെരെഞ്ഞെടുപ്പ്. കെപിസിസി പട്ടിക അനുസരിച്ച് പ്രചാരണം നടത്തുമെന്നും അദ്ദേഹം വ്യക്തമാക്കി.