കൊച്ചി:സംസ്ഥാനത്ത് കോവിഡ് വ്യാപനം രൂക്ഷമാവുന്ന സാഹചര്യത്തില് കോവിഡ് തടയാന് പുതിയ മാര്ഗം നിര്ദേശിച്ച് നടന് ഹരിശ്രീ അശോകന്.ആളുകളെ വീട്ടിലിരുത്താനുള്ള മികച്ച ഐഡിയയാണ് ഹരിശ്രീ അശോകൻ നിർദ്ദേശിച്ചിരിക്കുന്നത്.സര്ക്കാരിന്റെ ഒരു പ്രഖ്യാപനം കൊണ്ട് കേരളത്തിലെ പ്രശ്നങ്ങളെല്ലാം മാറുമെന്നാണ് നടന് ഹരിശ്രീ അശോകന് പറയുന്നത്
സത്യത്തില് കൊറോണ വരാത്ത കുടുംബങ്ങള്ക്ക് ലക്ഷം രൂപ വീതം നല്കുമെന്ന് പ്രഖ്യാപിച്ചാല് തീരാവുന്ന പ്രശ്നങ്ങളാണ് ഇന്ന് കേരളത്തിലുള്ളൂ…സാറമ്മാരേ ഹരിശ്രീ അശോകന് ഫെയ്സ്ബുക്ക് പോസ്റ്റില് പറഞ്ഞു.പഞ്ചാബി ഹൗസിലെ രമണന്റെ ഫോട്ടോക്ക് ഒപ്പമാണ് ഹരിശ്രി അശോകന്റെ ഫെയ്സ്ബുക്ക് പോസ്റ്റ്.എന്തായാലും ഹരിശ്രീ അശോകന്റെ പോസ്റ്റ് ആരാധകര് ഏറ്റെടുത്തു.നിരവധി പേരാണ് ട്രോളുകള് കൊണ്ട് എത്തുന്നത്.ഒരു ലക്ഷം മേടിച്ചു കഴിഞ്ഞ് കൊറോണ വന്നാല് കുഴപ്പമുണ്ടോന്നു ചോദിക്ക്-എന്നാണ് ചിലരുടെ കമന്റ്.രമണന്റെ ബുദ്ധിയെ പുകഴ്ത്തിയും കമന്റുകള് വരുന്നുണ്ട്.രമണന്റെ ബുദ്ധി റോക്കറ്റ് ആണല്ലോ,ദാസാ നമുക്കെന്താടാ ഈ ബുദ്ധി നേരത്തെ തോന്നാഞ്ഞത്-എന്നിങ്ങനെ കമന്റുകള് ഏറെയാണ്
സംസ്ഥാനത്ത് കോവിഡ് വ്യാപനം വന് തോതില് വര്ധിക്കുന്നതിനെ വിമര്ശിച്ചാണ് ഹരിശ്രി അശോകന്റെ പുതിയ പോസ്റ്റ്.സമ്പര്ക്കത്തിലൂടെയാണ് സംസ്ഥാനത്ത് കോവിഡ് കേസുകള് വര്ധിക്കുന്നത്.മുന്നറിയിപ്പുകള് നല്കിയിട്ടും ജനങ്ങള് വേണ്ടത്ര ജാഗ്രത പാലിക്കാത്തതിനെ പരിഹസിക്കുക കൂടിയാണ് ഹരിശ്രി അശോകന് തന്റെ ഫെയ്സ്ബുക്ക് പോസ്റ്റില് ചെയ്യുന്നത്