ഇന്ത്യയുടെ ഏറ്റവും പുതിയ നാവിഗേഷൻ ഉപഗ്രഹമായ എൻവിഎസ് – 01 മെയ് 29ന് വിണ്ണിലേക്ക് കുതിക്കും. ശ്രീഹരിക്കോട്ടയിൽ നിന്നാണ് വിക്ഷേപണം. ഐഎസ്ആ ർഒയുടെ ഏറ്റവും ഭാരം കുറഞ്ഞ വിക്ഷേപണ വാഹനമായ ജിഎസ്എൽവി ഉപയോഗിച്ചാണ് എൻവിഎസ്-01 വിക്ഷേപിക്കുകയെന്നാണ് അറിയിച്ചിരിക്കുന്നത്.
രാജ്യത്തിന്റെ പൊസിഷനിംഗ്, നാവിഗേഷൻ, ടൈമിംഗ് ആവശ്യകതകൾ നിറവേറ്റുന്നതിന്റെ ഭാഗമായായിട്ടാണ് ‘നാവിക്’ എന്ന പേരിൽ നാവിഗേഷൻ ഉപഗ്രഹ സംവിധാനം ഇന്ത്യ വികസിപ്പിച്ചെടുത്തിരിക്കുന്നത്. അഞ്ച് വർഷത്തെ പ്രവർത്തന ഫലമായാണ് ഐഎസ്ആർഒയുടെ നേതൃത്വത്തിൽ നാവിഗേഷൻ ഉപഗ്രഹം വിക്ഷേപണത്തിന് സജ്ജമാക്കിയിരിക്കുന്നത്.
2016- ൽ വിക്ഷേപിച്ച ഐആർഎൻഎസ്എസ് -1 ജി ഉപഗ്രഹത്തിന്റെ കാലാവധി ഇതിനകം പൂർത്തിയായിരിക്കുകയാണ്. ഈ സാഹചര്യത്തിലാണ് എൻവിഎസ് – 01 മെയ് മാസം വിക്ഷേപിക്കുന്നത്. നാവിഗേഷൻ ഉപഗ്രഹങ്ങൾ വിക്ഷേപിക്കുന്നതി ലൂടെ, രാജ്യം നാവിഗേഷൻ സേവന ആവശ്യങ്ങൾക്കായി വിദേശ രാജ്യങ്ങളെ ആശ്രയിക്കുന്നത് ഒഴിവാക്കാനാണ് ലക്ഷ്യമിട്ടിരിക്കുന്നത്.
