ജോർദാനിലെ അഖാഖ തുറമുഖത്ത് വിഷവാതക ദുരന്തത്തിൽ 10 മരണം. 251 പേർക്ക് പരുക്കേറ്റു. വാതകചോർച്ച തടയാൻ ശ്രമം തുടരുകയാണെന്നു വാർത്താ ഏജൻസി റിപ്പോർട്ട് ചെയ്തു. ചരക്കുനീക്കത്തിനിടെ, വിഷവാതകം നിറച്ച ടാങ്ക് ക്രെയിനിന്റെ മുകളിൽ നിന്നു വീണതാണ് അപകട കാരണം. സമീപവാസികളെ ഒഴിപ്പിച്ച് മേഖല പൂർണമായും അടച്ചു.
അപകടസ്ഥലത്തിന്റെ ഏറ്റവുമടുത്ത ജനവാസപ്രദേശം 25 കിലോമീറ്റർ അകലെയാണെന്നു പൊലീസ് വ്യക്തമാക്കി. 199 പേരെ ആശുപത്രിയിൽ പ്രവേശിപ്പിച്ചു. ജനങ്ങൾ വീടുകൾക്കുള്ളിൽ കഴിയണം. ജനലുകളും വാതിലും അടച്ചുവെന്ന് ഉറപ്പുവരുത്തണമെന്ന് ആരോഗ്യപ്രവർത്തകൻ ജമാൽ ഒബൈദത്ത് പറഞ്ഞു.
