തിരുവനന്തപുരം : സംസ്ഥാനത്തെ സാമ്പത്തിക പ്രതിസന്ധി കേരള പോലീസിനെയും ബാധിക്കുന്നു. ഇന്ധനക്ഷാമമാണ് പോലീസിന്റെ വലയ്‌ക്കുന്ന പ്രധാന പ്രശ്നം. ആയുധങ്ങളുടെ നവീകരണത്തിനും മറ്റുമായി പണമില്ലാത്തതിനാൽ അടിയന്തരമായി 49 കോടി രൂപ പോലീസ് മേധാവി ആവശ്യപ്പെട്ടു.
ഈ മാസം ആദ്യവും ഇന്ധന പ്രതിസന്ധിയിൽ സഹായം തേടി ധനവകുപ്പിന് ഡിജിപി കത്ത് നൽകിയിരുന്നു. ഒരു ദിവസം കേവലം അഞ്ച് ലിറ്റർ ഇന്ധം മാത്രമാണ് ഒരു ജീപ്പിന് ലഭിക്കുന്നത്. പോലീസ് സ്റ്റേഷന്റെ സ്വാഭാവികമായ ഓട്ടത്തിനെയും പെട്രോളിംഗിനെയും സാരമായി ബാധിക്കുന്നു.
ഇന്ധന കമ്പനിക്ക് കുടിശികയായി ഒരു കോടി രൂപയാണ് പോലീസ് നൽകാനുള്ളത്. ജനങ്ങളെ സേവിക്കുന്ന സ്റ്റേഷൻ വാഹനങ്ങൾക്ക് മാത്രമാണ് നിയന്ത്രണം. മുഖ്യന് സഞ്ചരിക്കാനുള്ള ഹെലികോപ്റ്ററിന്റെ വാടകയും മുടങ്ങിയ അവസ്ഥയിലാണ്.
