27 വര്‍ഷത്തെ നീണ്ട കാത്തിരിപ്പ്. അത് ദൈവം കണ്ടു. അത് കൊണ്ട് തന്നെ രാമചന്ദ്രനും ഷൈലമ്മയ്ക്കും ദൈവം കാത്തുവെച്ചത് ഇരട്ടക്കുട്ടികളെയാണ്. 60 കഴിഞ്ഞ രാമചന്ദ്രനും 55 തികഞ്ഞ ഷൈലമ്മയ്ക്കും ഇനി കളിചിരികളുടെ കാലമാണ്. അമ്പലപ്പുഴയിലെ ഇവരുടെ വീട്ടില്‍ ഇനി ഇരട്ടക്കുഞ്ഞുങ്ങളുടെ കളിചിരി നിറയും.
1994 ജൂലൈ ആറിനായിരുന്നു രാമചന്ദ്രന്റെയും ഷൈലമ്മയുടെയും വിവാഹം. ഒട്ടേറെ ചികിത്സയ്ക്ക് ശേഷം മൂവാറ്റുപുഴയിലെ സ്വകാര്യ ആശുപത്രിയിലേക്ക് പോയതോടെ ആണ് ഇവരുടെ പ്രതീക്ഷയ്ക്ക് ചിറക് മുളച്ചത്. ആശുപത്രിയോട് ചേര്‍ന്ന് വാടക വീടെടുത്താണ് പ്രസവ ചികിത്സ നടത്തിയത്.
കഴിഞ്ഞ ദിവസം കുഞ്ഞുങ്ങളുടെ പേരിടല്‍ ചടങ്ങ് കഴിഞ്ഞു. പെണ്‍കുഞ്ഞിന് റാംഷെയെന്നും ആണ്‍കുഞ്ഞിന് റാം ചന്ദ് എന്നും പേരിട്ടു. കഴിഞ്ഞ മാസം 20ന് മൂവാറ്റുപുഴയിലെ സ്വകാര്യ ആശുപത്രിയിലായിരുന്നു പ്രസവം
