മലയാളികളുടെ പ്രിയപ്പെട്ട നടിയാണ് റിമ കല്ലിങ്കല്. നിടിയില് ഉപരി മികച്ച ഒരു നര്ത്തകി കൂടിയാണ് താരം. പലപ്പോഴും തന്റേതായ നിലപാടുകള് തുറന്ന് പറഞ്ഞ് നടി രംഗത്ത് എത്താറുമുണ്ട്. ഇപ്പോള് ഒരു അഭിമുഖത്തില് നടി പറഞ്ഞ വാക്കുകളാണ് ശ്രദ്ധേയമാകുന്നത്. കോവിഡും ലോക്ക്ഡൗണും മൂലം തിയേറ്ററില് പോയി സിനിമ കാണാന് കഴിയാത്ത അവസ്ഥയെക്കുറിച്ച് പറയുകയാണ് റിമ.
തീയേറ്ററുകള് ഒരുപാട് മിസ്സ് ചെയ്യുന്ന ആളാണ് താനെന്ന് റിമ അഭിമുഖത്തില് പറഞ്ഞു. ‘ഞാന് ഒരിക്കലും വിചാരിച്ചില്ല എനിക്കിത്രയും മിസ്സ് ചെയ്യുമെന്ന്, ഇതെന്റെ കയ്യീന്ന് പോയി. കൊവിഡിന്റെ രണ്ടാം വേവ് ആയപ്പോഴേക്കും ഞാന് തകര്ന്നുപോയി. പി.വി.ആര്ന് മുന്നില് പോയി നിന്ന് നോക്കുമ്പോള് സങ്കടം തോന്നും’.- റിമ പറഞ്ഞു.
തിയേറ്ററുകള് തുറക്കാന് താന് കാത്തിരിക്കുകയാണ്. തിയേറ്ററില് പോയി പടം കാണുന്നത് വേറെത്തന്നെ ഒരു അനുഭവമാണ്. ‘ഒ.ടി.ടിയാണെങ്കില് ആരെങ്കിലും വന്നാലൊക്കെ നമുക്ക് പെട്ടെന്ന് പോസ് ചെയ്യാം. എന്നാല് തിയേറ്ററില് പോയി പടം കാണുന്നത് അതുപോലെ അല്ലല്ലോ. ഡ്രെസ്സ് ചെയ്ത്, വണ്ടിയോടിച്ച് പോയി, ക്യൂ നിന്ന്, പാേപ്കോണ് മേടിച്ച്, സീറ്റൊക്കെ പിടിച്ച്, ചില കോമഡി പരസ്യങ്ങളൊക്കെ കണ്ട് പടം കാണുന്നത് വലിയ പേഴ്സണല് എക്സ്പീരിയന്സ് ആണ്. അത് തിരികെ വേണം.’- റിമ പറയുന്നു.
ലോകം മുഴുവനുള്ള ആളുകള്ക്ക് സിനിമ കാണാന് പറ്റുന്നത് ഒ.ടി.ടി. നല്കുന്ന വലിയ സൗകര്യമാണ്. ഒ.ടി.ടിയില് മലയാള സിനിമകള് പ്രദര്ശിപ്പിക്കുന്ന കാലത്ത് ഇന്ഡസ്ട്രിയുടെ ഭാഗമാകാന് കഴിഞ്ഞതില് സന്തോഷമുണ്ട്.- റിമ കൂട്ടിച്ചേര്ത്തു.