പ്രശസ്ത തെലുങ്ക് ചലച്ചിത്ര സംവിധായകൻ സൂര്യകിരണിന്റെ വേർപാടിൽ സിനിമ ലോകം ഞെട്ടിയിരുന്നു. മഞ്ഞപ്പിത്തം ബാധിച്ച് തിങ്കളാഴ്ചയാണ് സൂര്യ മരിച്ചത്. ചെന്നൈയിലെ സ്വകാര്യ ആശുപത്രിയിൽ ചികിത്സയിലായിരുന്നു അദ്ദേഹം.
നടി കാവേരിയുടെ ആദ്യ ഭര്‍ത്താവും കൂടെയാണ്. മലയാളം ഇന്റസ്ട്രിയില്‍ നിന്നെല്ലാം സൂര്യ കിരണ്‍ അകന്ന് നില്‍ക്കുകയായിരുന്നുവെങ്കിലും അദ്ദേഹത്തിന്റെ മരണ വാര്‍ത്ത എല്ലാവരെയും ഒരുപോലെ ഞെട്ടിച്ചു. മഞ്ഞപ്പിത്തത്തെ തുടര്‍ന്ന് ചികിത്സയില്‍ കഴിയവെയാണ് മാര്‍ച്ച് 11 ന് മരണം സംഭവിച്ചത്. ആരോഗ്യത്തെ ഒട്ടും ശ്രദ്ധിച്ചിരുന്നില്ല എന്നതാണ് സൂര്യ കിരണിനെ മരണത്തിലേക്ക് നയിച്ചത് എന്നാണ് പുറത്ത് വരുന്ന വിവരം.
ബാലതാരമായി മലയാളത്തിന് പുറമെ തമിഴിലും ഒരുപാട് മികച്ച റോളുകള്‍ ചെയ്ത നടനാണ് സൂര്യ കിരണ്‍. തെലുങ്ക്, തമിഴ് ഭാഷകളിലായി ഇരുന്നൂറോളം സിനിമകളില്‍ ചെറുപ്പം മുതലേ അഭിനയിക്കുന്നുണ്ട്. നടി സുജിതയുടെ സഹോദരനാണ്. പക്വത എത്തിയതിന് ശേഷം അഭിനയത്തെക്കാള്‍ സംവിധാനത്തോടായിരുന്നു സൂര്യ കിരണിന് താത്പര്യം. 2015 ല്‍ ധന 51 എന്ന സിനിമ സംവിധാനം ചെയ്തുകൊണ്ടാണ് തുടക്കം. ആദ്യ ചിത്രം വന്‍ ഹിറ്റായിരുന്നു
എന്നാല്‍ തുടര്‍ന്ന് സംവിധാനം ചെയ്ത സിനിമകള്‍ എല്ലാം പരാജയപ്പെട്ടു. അതിനടയിലായിരുന്നു കാവേരിയുമായുള്ള വിവാഹം. വിവാഹത്തിന് ശേഷം ഇരുവരും സന്തോഷകരമായ ദാമ്പത്യം നയിച്ചു വരികയായിരുന്നു. അതിനിടയിലും സാമ്പത്തിക പ്രശ്‌നങ്ങള്‍ സൂര്യ കിരണിനെ വല്ലാതെ ബുദ്ധിമുട്ടിച്ചു. അവസാനം കാവേരി ഉപേക്ഷിച്ചു പോകുന്ന നിലവരെ എത്തി കാര്യങ്ങള്‍.
അതിന് ശേഷവും എങ്ങനെയെങ്കിലും സമ്പാദിക്കണം എന്ന ചിന്തയായിരുന്നു സൂര്യ കിരണിന്. അങ്ങനെ തെലുങ്ക് ബിഗ്ഗ് ബോസിലും അദ്ദേഹം പങ്കെടുത്തു. സീസണ്‍ 4ല്‍ എത്തിയെങ്കിലും, ആദ്യ എവിക്ഷനില്‍ തന്നെ പുറത്തായി. അതിലും സമ്പാദിക്കാന്‍ കഴിഞ്ഞില്ല. അതിന് ശേഷം എല്ലാത്തില്‍ നിന്നും സൂര്യ കിരണ്‍ വിട്ടു നിന്നു. ചെറിയൊരു ഗ്യാപ്പിന് ശേഷമാണ് സംവിധാന ലോകത്തേക്ക് അദ്ദേഹം തിരിച്ചെത്തിയത്.
വരലക്ഷ്മി ശരത്കുമാറിനെ നായികയാക്കി ഒരുക്കിയ ചിത്രത്തിന്റെ ഷൂട്ടിങ് എല്ലാം പൂര്‍ത്തിയായി, പോസ്റ്റ് പ്രൊഡക്ഷനും കഴിഞ്ഞു. അത് പുറത്തിറങ്ങും മുന്‍പാണ് സൂര്യ കിരണിന്റെ മരണം. മഞ്ഞക്കമലയാണ് എന്ന് അറിഞ്ഞപ്പോള്‍ തന്നെ ചികിത്സ നേടിയെങ്കിലും രക്ഷപ്പെടുത്താന്‍ കഴിഞ്ഞില്ല.
ആദ്യ ചിത്രത്തിന് ശേഷം തുടര്‍ച്ചയായുള്ള പരാജയങ്ങളും, സാമ്പത്തിക പ്രതിസന്ധിയും വിവാഹ മോചനവും എല്ലാം സൂര്യ കിരണിനെ വല്ലാതെ തളര്‍ത്തിയിരുന്നു. ആ ഘട്ടത്തിലാണ് അദ്ദേഹം മദ്യത്തിലും പുകവലിയിലും എല്ലാം ആശ്വാസം കണ്ടെത്തിയത്. ആരോഗ്യം വളരെ മോശമാകാന്‍ കാരണം ഈ ദുഃശീലമാണ്. മഞ്ഞപ്പിത്തം ചികിത്സിച്ച് ഭേധമാക്കാന്‍ കഴിയാവുന്നതിലും അപ്പുറത്തേക്ക് സൂര്യ കിരണിന്റെ ആരോഗ്യം മോശപ്പെട്ടിരുന്നു എന്നാണ് ഇന്ത്യഗ്ലിഡ്‌സ് റിപ്പോര്‍ട്ട് ചെയ്യുന്നത്.
