തിരുവനന്തപുരം ആറ്റിങ്ങലില് ദമ്പതികളെ ആത്മഹത്യ ചെയ്ത നിലയില് കണ്ടെത്തി. ആറ്റിങ്ങല് കുഴിമുക്ക് ശ്യാംനിവാസില് രാജേന്ദ്രന് (71), ഭാര്യ ശ്യാമള (64) എന്നിവരാണ് മരിച്ചത്. ഇന്ന് രാവിലെയാണ് ഇവരെ തൂങ്ങിമരിച്ച നിലയില് കണ്ടെത്തിയത്.
ദമ്പതികള് മാത്രമാണ് ഈ വീട്ടില് ഉണ്ടായിരുന്നത്. ഇവരുടെ രണ്ട് ആണ്മക്കളും വിദേശത്താണ്. സാമ്പത്തിക പ്രശ്നങ്ങളൊന്നും ഇവര്ക്ക് ഇല്ലായിരുന്നുവെന്നാണ് പൊലീസ് നല്കുന്ന വിവരം. അതേസമയം ശ്യാമള ആരോഗ്യ പ്രശ്നങങളെത്തുടര്ന്ന് ചികിത്സയിലായിരുന്നു. ഇതിന്റെ മനോവിഷമണാണ് ആത്മഹത്യയ്ക്ക് കാരണമെന്നാണ് പ്രാഥമിക നിഗമനം.
നിലവില് ആറ്റിങ്ങല് പൊലീസ് സ്ഥലത്ത് എത്തിയിട്ടുണ്ട്. ഇന്ക്വസ്റ്റ് നടപടികള് പൂര്ത്തിയാക്കിയശേഷം മൃതദേഹങ്ങള് പോസ്റ്റുമോര്ട്ടത്തിനയക്കും.