രാജ്യത്ത് വര്‍ഗീയതയുണ്ടാക്കി മതത്തിന്റെ പേരില്‍ ഭിന്നിപ്പിക്കുന്നവര്‍ക്കും മുസ്ലിംകളെ തീവ്രവാദികളെന്ന് അധിക്ഷേപിക്കുന്നവര്‍ക്കും തിരിച്ചടി നല്‍കുന്നതിന്റെ ഭാഗമായി അമുസ്ലിംകളോട് നോമ്ബെടുക്കാന്‍ അഭ്യര്‍ഥിച്ച്‌ സുപ്രീംകോടതി മുന്‍ ചീഫ് ജസ്റ്റിസ് മാര്‍കണ്ഡേയ കട്ജു. സമൂഹ മാധ്യമങ്ങളിലൂടെയാണ് അദ്ദേഹം മുംസ്ലികളോടുള്ള ഐക്യദാര്‍ഢ്യവുമായി വെള്ളിയാഴ്ചത്തെ നോമ്ബെടുക്കാന്‍ അഭ്യര്‍ഥിച്ചത്.
’പരിശുദ്ധ റമദാന്‍ മാസത്തിലെ അവസാനത്തെ ജുമുഅയാണ് മേയ് ഏഴിലേത്. മുസ്ലിം സഹോദരങ്ങളോടുള്ള ബഹുമാനവും ഐക്യദാര്‍ഢ്യവുമായി കഴിഞ്ഞ 25 വര്‍ഷമായി തുടരുന്നതുപോലെ, നാളെയും ഞാന്‍ നോമ്ബെ ടുക്കുന്നുണ്ട്. ലോകമെമ്ബാടുമുള്ള എല്ലാ അമുസ്‌ലിംകളോടും ഇത് ചെയ്യാന്‍ ഞാന്‍ അഭ്യര്‍ത്ഥിക്കുന്നു.
അത്താഴത്തിന്റെയും നോമ്ബ് തുറയുടെയും സമയം നിങ്ങള്‍ക്ക് മുസ്ലിം സുഹൃത്തുക്കളില്‍ നിന്ന് മനസ്സിലാക്കാന്‍ സാധിക്കും. അല്ലെങ്കില്‍ ഇന്‍റര്‍നെറ്റില്‍നിന്ന് ലഭ്യമാകും. ഈ സമയത്ത് ദയവായി ഒന്നും കഴിക്കുകയോ കുടിക്കുകയോ ചെയ്യരുത്.
മതത്തിന്റെ അടിസ്ഥാനത്തില്‍ ജനങ്ങളെ ഭിന്നിപ്പിക്കാനും മുസ്ലിംകളെ മതഭ്രാന്തന്മാര്‍, തീവ്രവാദികള്‍, ദേശവിരുദ്ധര്‍ എന്നിങ്ങനെ പൈശാചികവല്‍ക്കരിക്കാനും ശ്രമിക്കുന്നവര്‍ക്കെതിരെയുള്ള പ്രതീകാത്മക തിരിച്ചടിയും നിരാകരണവുമാണിത്’ . മുന്‍ ചീഫ് ജസ്റ്റിസ് ഫേസ്ബുക്കില്‍ കുറിച്ചു.
