മലയാളികളുടെ പ്രിയ നടന് മുകേഷിന്റെയും ആദ്യ ഭാര്യയും നടിയുമായ സരിതയുടെയും മകനാണ് ശ്രാവണ്. കല്യാണം എന്ന ചിത്രത്തില് നായകനായി ശ്രാവണ് മലയാള സിനിമയിലേക്ക് അരങ്ങേറ്റം കുറിച്ചിരുന്നു. എന്നാല് പിന്നീട് ഈ നടനെ സിനിമകളില് ഒന്നും ആരും കണ്ടില്ല. പിന്നീട് സിനിമകളില് നിന്നും വിട്ടു നിന്നതിനെ കുറിച്ച് പറയുകയാണ് ഇപ്പോള് ശ്രാവണ്.
ഡോക്ടര് കൂടിയായ ശ്രാവണ് ഇപ്പോള് റാസല്ഖൈമയിലെ മുന്നിര കോവിഡ് പോരാളിയാണ്. ഈ സമയത്ത് സിനിമയ്ക്ക് അല്ല കോവിഡ് സേവനത്തിനാണ് പ്രാധാന്യം കൊടുക്കേണ്ടത് എന്നാണ് അമ്മ സരിത നല്കിയ ഉപദേശം എന്ന് ശ്രാവണ് പറയുന്നു. അതിനാലാണ് സിനിമകളില് പിന്നീട് തന്നെ കാണാഞ്ഞതെന്നും ശ്രാവണ് വ്യക്തമാക്കി. ഒരു മാധ്യമത്തിന് അനുവദിച്ച അഭിമുഖത്തിലാണ് ശ്രാവണ് തന്റെ അനുഭവങ്ങളും അമ്മ നല്കിയ ഉപദേശവും പങ്കുവെച്ചത്.
കല്യാണം എന്ന ചിത്രത്തിന് ശേഷവും കുറെയേറെ സിനിമ ചര്ച്ചകള് ഉണ്ടായിരുന്നു എങ്കിലും അമ്മയുടെ ഉപദേശമാണ് തത്കാലം സിനിമ മാറ്റി വെച്ച് കോവിഡ് പോരാട്ടത്തിന് ഇറങ്ങാന് ഉള്ള ഊര്ജ്ജവും പ്രചോദനവും നല്കിയത് എന്നും ശ്രാവണ് മുകേഷ് പറയുന്നു. റാസല്ഖൈമയിലെ രാജകുടുംബാംഗങ്ങള് വരെ ശ്രാവണിന്റെ അടുത്ത് ചികിത്സ തേടിയെത്തിയിരുന്നു. ഉന്നതരായ അറബികള് പുലര്ത്തുന്ന മര്യാദ നമ്മള് ഇന്ത്യക്കാര് പലപ്പോഴും കണ്ടു പഠിക്കണം എന്നും ശ്രാവണ് അഭിപ്രായപ്പെടുന്നുണ്ട്. അടുത്തതായി ഒരു തമിഴ് സിനിമയിലാണ് ശ്രാവണ് നായകനായി എത്താനൊരുങ്ങുന്നത്.