കുറഞ്ഞകാലംകൊണ്ടുതന്നെ മലയാളസിനിമാലോകത്ത് പ്രിയങ്കരിയായി മാറിയ നടിയാണ് ഗോപിക. അഭിനയരംഗത്തേക്ക് മലയാളത്തിലൂടെ തെന്നിന്ത്യയിൽ ശ്രദ്ധിക്കപ്പെട്ട നടിയാണ് ഗോപിക. എന്നാൽ വിവാഹത്തോടെ സിനിമയിൽ നിന്നും വിട്ടു നിന്ന താരത്തെ സിനിമയിലെത്തിച്ച സംവിധായകന്റെ വാക്കുകളാണ് ഇപ്പോൾ സോഷ്യൽ മീഡിയയിൽ വീണ്ടും വൈറലാകുന്നത്.
തുളസീദാസം സംവിധാനം ചെയ്ത പ്രമയമണിത്തൂവൽ എന്ന ചിത്രത്തിലൂടെയാണ് ഗോപിക അഭിനയരംഗത്തെത്തുന്നത്. 
എന്നാൽ ഗോപികയുടെ കല്യാണത്തിന് വിളിക്കുകയോ ഒരു കാർഡുപോലും അയക്കുകയോ ചെയ്തില്ലെന്നാണ് തുളസീദാസ് പറയുന്നത്. ഒരു പത്രപ്രവർത്തകൻ ചോദിച്ചപ്പോൾ, തുളസീദാസ് വന്നാൽ മറ്റു പലരും വരില്ല എന്നായിരുന്നു പറഞ്ഞതെന്നും വെളിപ്പെടുത്തി. കൂടാതെ നടിമാരായ റോമയെയും മീരാനന്ദനെയും നായികമാരാക്കി ഒരു പടം പ്ലാൻ ചെയ്തു അഡ്വാൻസും കൊടുത്തു. എന്നാൽ, അവർ അഡ്വാൻസ് തിരിച്ചു തന്ന് അഭിനയിക്കാൻ പറ്റില്ലെന്ന് അറിയിച്ചുവെന്നും സംവിധായകൻ പറയുന്നു.
തന്റെ പടം ചെയ്യാൻ പറ്റില്ലെന്നു നിർമാതാക്കളും പറഞ്ഞു. തന്റെ പടം വിതരണത്തിനെടുക്കാൻ ആളില്ലെന്നായിരുന്നു അവർ പറഞ്ഞതെന്നും തിളസീദാസ് വ്യക്തമാക്കി.
‘മമ്മൂട്ടിയെയും മോഹൻലാലിനെയും സുരേഷ് ഗോപിയെയും ജയറാമിനെയുമെല്ലാംവെച്ച്‌ പടം ചെയ്തിട്ടുള്ള ഞാൻ മൂന്നുകൊല്ലം വീട്ടിലിരുന്നു. സൂപ്പർ താരവും എന്നെ കണ്ടപ്പോൾ മുഖംതിരിച്ചതോടെ എനിക്ക് വലിയ വിഷമമായി. നിങ്ങൾ പരാതിയുമായി വരില്ലേ എന്നായിരുന്നു അദ്ദേഹവും ചോദിച്ചത്. ഞാൻ കരഞ്ഞുപോയ നിമിഷമായിരുന്നു അതെന്നും തുളസീദാസ് കൂട്ടിച്ചേർത്തു
