തന്റെ ശബ്ദത്തിലൂടെ മലയാളികളുടെ മനസ്സിൽ ഇടം നേടിയ താരമാണ് ഭാഗ്യലക്ഷ്മി.ശോഭന ഉർവശി, രേവതി, നദിയാ മൊയ്തു, കാർത്തിക, പാർവതി, രഞ്ജിനി, മീന തുടങ്ങി മലയാള സിനിമയുടെ എക്കാലത്തെയും പ്രിയനായികമാരുടെ ശബ്ദത്തിനുപിന്നിൽ ഭാഗ്യലക്ഷ്മി ആയിരുന്നു. ഒരു ദേശീയ അവാർഡും മൂന്നു സംസ്ഥാന അവാർഡും ഉൾപ്പടെ നിരവധി പുരസ്‌കാരങ്ങളും നേടിയിട്ടുള്ള താരമാണ് ഭാഗ്യലക്ഷ്മി. മനോഹരമായ ശബ്ദവും സൗമ്യമായ പെരുമാറ്റവുമായാണ് താരമെത്താറുള്ളത്. വിധികർത്താവായും അവതാരകയായുമൊക്കെ ഭാഗ്യലക്ഷ്മി ടെലിവിഷൻ സ്‌ക്രീനിൽ എത്താറുണ്ട്.
ഇപ്പോഴിതാ മൂന്ന് വർഷം മുൻപ് നടന്ന മകന്റ കല്യാണ ഫോട്ടോ പങ്കുവച്ചുകൊണ്ടെത്തിയിരിയ്ക്കുകയാണ് ഭാഗ്യ. പ്രത്യേകിച്ചൊരു വിശേഷവും ഇല്ലാതെ തന്നെ എന്താവും ഇപ്പോൾ ഈ ഫോട്ടോ പങ്കുവച്ചത് എന്ന സന്ദേഹം ആളുകൾക്കുണ്ട്. എന്റെ ജീവിതത്തിലെ മനോഹരമായ ദിവസം, എന്റെ മകന്റെ വിവാഹം എന്ന ക്യാപ്ഷനോടെയാണ് ഫോട്ടോ പങ്കുവച്ചിരിയ്ക്കുന്നത്. ഡിംപൾ ഭലും ശീതൾ ശ്യാമും അടക്കം പലരും കമന്റ് ബോക്സിലെത്തി സ്നേഹം അറിയിക്കുകയും ചെയ്തു.
2020 ജനുവരിയിൽ ആയിരുന്നു ഭാഗ്യലക്ഷ്മിയുടെ മൂത്തമകൻ സച്ചിന്റെ വിവാഹം. അഞ്ജനയാണ് സച്ചിന്റെ ഭാര്യ. തിരുവനന്തപുരത്തുവച്ചു നടന്ന വിവാഹത്തിലും അതുകഴിഞ്ഞുള്ള സത്കാരപാർട്ടിയിലും മലയാള സിനിമയിലെ പ്രമുഖ താരങ്ങളെല്ലാം പങ്കെടുത്തിരുന്നു. മേനക, സുരേഷ്കുമാർ, ജലജ, നദിയ മൊയ്തു, കെപിഎസി ലളിത, ഷാജി കൈലാസ്, സുരേഷ് ഗോപി, മനോജ് കെ ജയൻ, ജയറാം, പാർവ്വതി എന്നിങ്ങനെ താരസമ്പന്നമായിരുന്നു.
