ബെംഗളൂരു. ലോക്‌സഭാ തിരഞ്ഞെടുപ്പില്‍ ഭൂരിപക്ഷം ലഭിച്ചാല്‍ ഭരണഘടന ഭേദഗതി ചെയ്യുമെന്ന് കര്‍ണാടകയില്‍ നിന്നുള്ള ബിജെപി എംപിയും മുന്‍ കേന്ദ്രമന്ത്രിയുമായ അനന്ത് കുമാര്‍ ഹെഗ്‌ഡെ. ഹിന്ദുമതത്തെ തരംതാഴ്ത്താനായി കോണ്‍ഗ്രസ് നേതാക്കള്‍ കഴിഞ്ഞ കാലങ്ങളില്‍ ഭരണഘടിന ഭേദഗതി ചെയ്‌തെന്നും അദ്ദേഹം വ്യക്തമാക്കി.
ലോക്‌സഭയിലും രാജ്യസഭയിലും സംസ്ഥാനങ്ങളിലും മൂന്നില്‍ രണ്ട് ഭൂരിപക്ഷം വേണം. ഭരണഘടന ഭേദഗതി ചെയ്യാനുള്ള എല്ലാ പ്രതിസന്ധിയും അതോടെ മാറും. 400 അധികം സീറ്റ് നേടാന്‍ ബിജെപിയെ നിങ്ങള്‍ സഹായിക്കണം.
ലോക്‌സഭയില്‍ നമുക്ക് മൂന്നില്‍ രണ്ട് ഭൂരിപക്ഷമുണ്ട്. എന്നാല്‍ ഭരണഘടന ഭേദഗതി ചെയ്യാന്‍ രാജ്യസഭയില്‍ മൂന്നില്‍ രണ്ട് ഭൂരിപക്ഷം നമുക്കില്ലെന്നും അനന്ത് കുമാര്‍ ഹെഗ്‌ഡെ.
