എറണാകുളം തേവരയിൽ പട്ടികജാതിക്കാരിയെ ബലാൽസംഗം ചെയ്ത് വലിച്ചെറിഞ്ഞ കേസ് പോലീസ് സ്റ്റേഷനിൽ വയ്ച്ച് 5 ലക്ഷം രൂപയ്ക്ക് ഒത്ത് തീർത്തു. ഒത്ത് തീർത്തതിൽ കമ്മീഷൻ തുക കഴിച്ച് ബാക്കി 4 ലക്ഷം യുവതിക്ക് നല്കി കേസ് തീർന്നതായി എഗ്രിമെന്റ് ഉണ്ടാക്കി. തുടർന്ന് പ്രതി തന്നെ ഇരയേ ഭീഷണിപ്പെടുത്തി ആ 4 ലക്ഷം രൂപയും കൈക്കലാക്കി.
കഴിഞ്ഞ ഒരു മാസമായി തേവരയിലും അസിസ്റ്റന്റ് പോലിസ് ഓഫിസറുടെ അടുത്തും കയറി ഇറങ്ങുകയാണ് യുവതി. നിധിനെന്നു പറയുന്ന വ്യക്തിയുമായി ആറു വർഷത്തോളമായി ഒരുമിച്ച് ജീവിക്കുകയായിരുന്നു, കല്യാണം കഴിക്കാമെന്ന വാഗ്ദാനത്തോടെയാണ് ജീവിച്ചത്. പിന്നാലെ വിളിച്ചാൽ ഫോൺപോലും എടുക്കാതെയായി, പിന്നീട് നിധിന്റെ ബന്ധുവാണെന്നും പറഞ്ഞ് സംഗീതെന്നു പറയുന്ന ബന്ധു തന്നെ വിളിച്ച് കേസ് ഒത്തു തീർപ്പാക്കാമെന്നും തന്നോട് നാലര ലക്ഷം രൂപ നൽകാമെന്നും അറിയിച്ചെന്നും യുവതി കർമ ന്യൂസിനോട് പറഞ്ഞു
മരട് പോലിസ് സ്റ്റേഷനിൽ വെച്ചാണ് പണം നൽകിയത്. പിന്നാലെ. സംഗീതെന്നു പറയുന്ന ബന്ധു തന്നെ വിളിച്ച് കേസ് ഒത്തു തീർപ്പാക്കാമെന്നും തന്നോട് നാലര ലക്ഷം രൂപ തിരികെ നൽകണമെന്നും അറിയിച്ചു. തന്നെ സ്വീകരിക്കാമെന്നും വീട്ടിലെ പ്രശ്നങ്ങൾ മാറിയെന്നും പറഞ്ഞാണ് സംഗീത് നൽകിയ പണം അതുപോലെ വാങ്ങിക്കൊണ്ടുപോയത്. മുദ്രപ്പത്രത്തിൽ ഒപ്പിടുവിക്കുകയും ചെയ്തു. അത് വായിക്കാൻ പോലുള്ള സമയം പോലും നൽകിയില്ല. പിന്നാലെ നിധിൻ മറ്റൊരു വിവാഹം കഴിക്കുന്നുവെന്നറിഞ്ഞപ്പോൾ വിളിച്ച് ചോദിക്കുകയും ചെയ്തു, ആ സമയത്ത് നിനക്ക് നഷ്ടപരിഹാരം നൽകിയതല്ലേ. ഇനി നിന്നെ വേണ്ടയെന്ന് അറിയിക്കുകയായിരുന്നു
പോലിസിൽ പരാതി നൽകിയിട്ടും അറസ്റ്റ് ചെയ്തിട്ടില്ല. തേവര സ്റ്റേഷനിൽ വിളിക്കുമ്പോൾ പോലിസ് ഫോൺ പോലും എടുക്കുന്നില്ലെന്നും യുവതി കർമ ന്യൂസിനോട് പറഞ്ഞു.
