അമര്‍നാഥിലെ മേഘവിസ്‌ഫോടനത്തില്‍ മരണപ്പെട്ടവരുടെ എണ്ണം പതിനാറായി. അമര്‍നാഥിലെ ഗുഹാക്ഷേത്രത്തിലലേക്ക് തീര്‍ത്ഥാടനത്തിന് പോയവരാണ് അപകടത്തില്‍ പെട്ടത്. ശക്തമായ മഴ തുടരുന്നതിനാല്‍ രക്ഷാപ്രവര്‍ത്തനത്തിനായി ഹെലിക്കോപ്ടര്‍ ഉപയോഗിക്കുന്നതിന് പ്രശ്‌നങ്ങളുണ്ട്.
സംഭവത്തെ തുടര്‍ന്ന് 40-ല്‍ അധികം പേരെ കാണായതായിട്ടാണ് പുറത്ത് വരുന്ന വിവരം. 15000 കൂടുതല്‍ പേരെ രക്ഷപ്പെടുത്തി. മേഘവിസ്‌ഫോടനത്തെ തുടര്‍ന്ന് തീര്‍ത്ഥാടനം താല്‍ക്കാലികമായി നിര്‍ത്തിവെച്ചു.
ഇന്നലെ വൈകിട്ട് 5.30 നാണ് അമര്‍നാഥ് ഗുഹയില്‍ നിന്ന് 9.2 കിലോമീറ്റര്‍ മാത്രം അകലെ ബാല്‍താലിലുള്ള ബേസ് ക്യാമ്പില്‍ അവിചാരിതമായി മഴയുണ്ടായത്. വളരെ പെട്ടന്ന് തീര്‍ത്ഥാടകര്‍ക്ക് മുന്നറിയിപ്പ് നല്‍കാന്‍ സൈന്യത്തിനായതിനാല്‍ വന്‍ ദുരന്തം ഒഴിവായെന്നാണ് സിആര്‍പിഎഫ് ഉദ്യോഗസ്ഥര്‍ അറിയിക്കുന്നത്.
