സിനിമ, സീരിയൽ താരം കാഞ്ഞങ്ങാട് പെരിയമന ശ്രീധരൻ ഭട്ടതിരി കഴിഞ്ഞ ദിവസമാണ് ഹൃദയാഘാതത്തെത്തുടർന്ന് മരണപ്പെട്ടത്. നിരവധി സീരിയലുകളിൽ വില്ലനായി വേഷമിട്ടിട്ടുണ്ട്. ചെറിയ ചില സിനിമകളിലും വേഷമിട്ടിട്ടുള്ള താരം ജയൻ സി കൃഷ്ണ സംവിധാനം ചെയ്ത കൊസ്രാക്കൊള്ളികൾ എന്ന സിനിമയുടെ സഹനിർമ്മാതാവ് കൂടിയായിരുന്നു.
പോലീസ് വേഷത്തിൽ പുലിമുരുകൻ ഉൾപ്പെടെയുള്ള സിനിമകളിൽ അഭിനയിച്ചിട്ടുണ്ട്. യോഗക്ഷേമസഭ തിരുവനന്തപുരം പാൽക്കുളങ്ങര ഉപസഭാംഗവും അഖില കേരളാ തന്ത്രി മണ്ഡലം തിരുവനന്തപുരം ജില്ലാ മണ്ഡലം നിർവ്വാഹക സമിതി അംഗവുമായിരുന്നു. അദ്ദേഹത്തിന്‍റെ മരണത്തിൽ ആദരാഞ്ജലികളുമായി എത്തിയിരിക്കുകയാണ് സഹപ്രവർത്തകർ.
അഭനേതാവായ കിഷോർ സത്യ പങ്കുവെച്ച കുറിപ്പിങ്ങനെ, മരണത്തിന്റെ അവസാനിക്കാത്ത കണ്ണുപൊത്തിക്കളിയിൽ ഒരാൾ കൂടെ….ടെലിവിഷൻ അഭിനേതാവായ ശ്രീധരൻ ഭട്ടത്തിരി ഇന്നലെ രാത്രി 8 മണിക്ക് ഹൃദയസ്തംഭനം മൂലം മരണമടഞ്ഞു. പരേതന്റെ ആത്മാവിന് നിത്യശാന്തി നേരുന്നു. ഒപ്പം കുടുംബാംഗങ്ങളുടെ ദുഃഖത്തിൽ ഞാനും പങ്കുചേരുന്നു…..
