ചലച്ചിത്ര അവാർഡിൽ നിന്ന് ഹോം സിനിമയെ തഴഞ്ഞതിൽ പ്രതികരിച്ച് ഷാഫി പറമ്പിൽ. അവാർഡ് നിശ്ചയിച്ചതിൽ സർക്കാർ ഇടപെട്ടുവെന്ന് ഷാഫി പറമ്പിൽ ആരോപിച്ചു. സംസ്ഥാന ചലച്ചിത്ര പുരസ്‌കാരത്തിൽ ഹോം സിനിമയെയും നടൻ ഇന്ദ്രൻസിനെയും തഴഞ്ഞത് മനപ്പൂർവ്വമാണെന്നും ഷാഫി പറമ്പിൽ പറഞ്ഞു.
ഇന്ദ്രൻസിന് പുരസ്‌കാരം നൽകാത്തതിൽ വിമർശനവുമായി ഇന്നലെയും ഷാഫി പറമ്പിൽ രംഗത്തെത്തിയിരുന്നു. ‘ഹോം’ സിനിമയിലെ ഇന്ദ്രൻസ് കഥാപാത്രത്തിന്റെ ചിത്രം പങ്കുവച്ച് അവാർഡ് ജേതാക്കൾക്കും അഭിനന്ദനങ്ങൾ എന്നായിരുന്നും ഷാഫിയുടെ ഫേസ്ബുക്ക് പോസ്റ്റ്.
സംസ്ഥാന ചലച്ചിത്ര പുരസ്‌കാര പ്രഖ്യാപനത്തിന് പിന്നാലെ ജൂറിയ്‌ക്കെതിരെ രൂക്ഷ വിമർശനം ഉയർന്നിരുന്നു. ഇന്ദ്രൻസിനും ഹോം എന്ന സിനിമയ്ക്കും പുരസ്‌കാരങ്ങൾ ലഭിക്കാത്തതിലുള്ള പ്രതിഷേധമാണ് നടക്കുന്നത്. ഹോം സിനിമയ്ക്കും ഇന്ദ്രൻസിനും പിന്തുണയുമായി നിരവധി പേർ രംഗത്തെത്തി. ജൂറിയെ വിമർശിച്ച് നടൻ ഇന്ദ്രൻസും രംഗത്തെത്തിയിരുന്നു.
